Президентка рахмат хаты

2003 елның 4 гыйнвары, шимбә

Татарстан Республикасы Президенты Минтимер Шәймиев 2002 елның 26-29 декабрендә Татарстан башкаласында фигуралы шуу буенча Россия чемпионатының уңышлы үтүе җәһәтеннән Россиянең Тимераякта фигуралы шуу федерациясе президенты Вячеслав Писеевтан хат алды.

Әлеге хатта федерация, ярышта катнашучылар, тренерлар, судьялар, спорт оешмалары вәкилләре исеменнән Россия чемпионаты тиешле югарылыкта үткәрелсен өчен уңайлы шартлар тудырган һәркемгә рәхмәт сүзләре белдерелә. Анда Россия чемпионатына әзерлек һәм аны үткәрү буенча оештыру комитеты, Яшьләр эшләре һәм спорт министрлыгы, Казан шәһәре хакимияте, Спорт сарае коллективы, фигуралы шуу буенча республика Олимпия резервы балалар-яшүсмерләр спорт мәктәбе, шулай ук "Сәфәр" һәм "Идел" кунакханәләре коллективлары ягыннан бик зур ярдәм күрсәтелүе искәртелә.

"Россия чемпионатының Казанда үткәрелүе якын киләчәктә Россия җыелма командасы составында лаеклы урын алачак һәм Татарстан, ил данын иң абруйлы халыкара ярышларда яклаячак республика фигуралы шуу осталарының алга таба да камилләшүенә ярдәм итүенә ышанабыз", - диелә әлеге хатта.

ТР Президенты матбугат үзәге, 4 гыйнвар, 2003 ел.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ