Минтимер Шәймиев Сабри Тунч Ангылы белән очрашты

2012 елның 16 октябре, сишәмбе
Бүген ТР Дәүләт Киңәшчесе Минтимер Шәймиев Казанда Төркия Республикасының яңа Генераль консулы Сабри Тунч Ангылы белән очрашты.

Сабри Тунч Ангылы үз вазыйфаларына 2012 нче елның 12 нче сентябрендә керешкән. Дипломатик хезмәте вакытында Ангылы Төркия Чит ил эшләре министрлыгында, Тегеранда Төркия илчелегендә, Европа Союзында Төркиянең даими вәкиллегендә эшләгән. Казанга билгеләнгәнче Токиода Төркия Республикасының илчелегендә киңәшче булган.

Сабри Тунч Ангылы – 1996 нчы елда Казанда Төркия Республикасының Генераль консуллыгы ачылганнан соң, тугызынчы консул.

Минтимер Шәймиев Төркия дипломатын яңа вазыйфага күчүе белән котлады һәм моның беренче чиратта Россия һәм Төркия арасындагы дустанә мөнәсәбәтләрнең нык дәвамы булуын һәм ТР белән Төркия Республикасының алдагы хезмәттәшлегенә юнәлдерелүен билгеләде.

Сөйләшү барышында ТР Дәүләт Киңәшчесе һәм Казанда Төркия Генераль консулы мәдәният, мәгариф һәм туризм өлкәсендә элемтәләрне үстерү мәсьәләләре турында сөйләштеләр, алдагы уртак чаралар, Татарстанның ТЮРКСОЙ халыкара оешмасы эшчәнлегендә катнашуы турында фикер алыштылар.

Сабри Тунч Ангылы республика җитәкчелеге тарафыннан ТР һәм Төркия Республикасы арасында булдырылган үзара аңлашу, хөрмәт һәм ышаныч өчен, Минтимер Шәймиевка рәхмәтен белдерде. Ул шулай ук ТР Дәүләт Киңәшчесенең алдагы вакытта да Казанда Төркия Республикасының Генераль конссуллыгы эшчәнлегенә ярдәм итүенә ышаныч белдерде.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International