Минтимер Шәймиев белән Вагит Алекперов Зөя утрау-шәһәрчегендә булды

2012 елның 30 октябре, сишәмбе
Бүген ТР Дәүләт киңәшчесе, “Яңарыш” республика фонды попечительлек советы рәисе Минтимер Шәймиев белән “Лукойл” нефть компаниясе ААҖ президенты Вагит Алекперов Свияжск утрау-шәһәрчегендә булды. Дәрәҗәле кунакларны “Лукойл” ААҖ финанс ярдәме белән торгызылган Константин һәм Елена чиркәвендә агымдагы елның июнендә куелган яңа колокол чыңы каршы алды.

XVII гасыр чиркәве агымдагы елның 23 июнендә ачылган. Бүген кунакларны чиркәү каршында Константин һәм Елена чиркәве настоятеле Серей атакай каршы алды һәм Вагит Алекперовка чиркәүне торгызуда ярдәм иткәне өчен рәхмәт белдерде.

Дәрәҗәле кунаклар Свияжскида торгызыла торган Троицки чиркәвендә, Успенский соборында, Богородице-Успенский ир-атлар монастырендә булды. Соңгы ике елда Свияжскида зур эшләр башкарылган, минем өчен “Лукойл” компаниясенең дә изге эштә катнашы булу мөһим, - дип билгеләп үтте Вагит Алекперов.

Аннары Минтимер Шәймиев белән Вагит Алекперов бер ел элек Богородице-Успенский ир-атлар монастыре диварында ачылган сәяси репрессияләр корбаннары һәйкәленә чәчәкләр куйды.

Сәфәр ахырында кунаклар Ат утарын да карады.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International