М.Шәймиев Свияжски утрау-шәһәрчегендә 2013 елда эш оештыру буенча киңәшмә үткәрде

Бүген Казан Кремлендә Татарстан Республикасы Дәүләт киңәшчесе, ТР тарих һәм мәдәният һәйкәлләрен торгызу фонды попечительлек советы рәисе Минтимер Шәймиев 2013 елда Свияжски утрау-шәһәрчегендә эшләрне оештыру буенча киңәшмә үткәрде.

Минтимер Шәймиев үз чыгышында киңәшмәнең максаты –яңа елга эш күләмен билгеләү, диде. Быел республика Бөтендөнья студентлар уеннарын кабул итә, шуңа күрә Свияжски белән Болгарга туристлар агымы зур булачак дип билгеләп үтте. Аның шәхси катнашуында узган ел Парижда Сорбонна университетында кабызылган Универсиада уты җир шары буйлап сәяхәт итеп Россия территориясе буенча бара. “Биредә эш тулы көченә. актив һәм оештырылган төстә барырга тиеш, бу җәйдә торгызу процессын туристлар да күзәтәчәк. Без кадерле кунакларны кабул итүче чын хуҗалар кебек булырга тиеш. Без килеп чыккан прблемаларны хәл итәргә әзер, әмма барлык звенолар да үз эшен төгәл башкарырга бурычлы”, - диде ул. Ул бирегә килүчеләргә 3 елга якын намуслы хезмәт күрсәтүләре өчен рәхмәт белдерде. Аның сүзләренә караганда, бу чорда мөнәсәбәтләрне җайга салындык, эшләрне төгәл һәм матур башкаруга ирештек.

ТР Президенты ярдәмчесе, “Яңарыш” республика фонды башкаручы директоры Татьяна Ларионова киңәшмәдә катнашучыларны 2013 елда реставрациялү һәм төзелеш эшләре үткәреләчәк Свияжски утрау-шәһәрчеге объектлары исемлеге белән таныштырды. Ул 2013 елда 12 объектта эшләрне төгәлләү зарури булуын билгеләп үтте.

Киңәшмәдә шулай ук киләсе елда дәвам ителәчәк эшләр буенча да фикер алыштылар. Шула итеп, Успенский соборы, Никольский чиркәве, XIX гасыр хастаханәсе бинасы комплексын реставрацияләү, “Татар бистәсе” археология зонасында консервация эшләре, Благовещение чиркәвен төзекләндерү турында сүз барды. Бу исемлеккә “Островок” хәйрия фонды реставрацияләргә ярдәм итә торган училище бинасы комплексы да керә. Анда онкология һәм башка каты аврулар кичергән балаларны савыктыру үзәге ачылачак.

Киңәшмәдә ТР Дәүләт киңәшчесе Секретариаты җитәкчесе Евгений Гришин, ТР мәдәният министры Айрат Сибгатуллин, ТР транспорт һәм юл хуҗалыгы министры Ленар Сафин, Казан федераль университеты ректоры Илшат Гафуров, Яшел Үзән муниципаль районы башлыгы Александр Тыгин, “Татинвестгражданпроект” ДУП генераль директоры Гадел Хөснетдинов, “Свияжски утрау-шәһәрчеге” Дәүләт тарих-архитектура һәм сәнгать музее директоры Артем Силкин һ.б. рәсми затлар катнашты.