Татарстан Президенты һәм ТР Дәүләт Киңәшчесе Казансу яр буеның ике яңа участогын карадылар
Бүген Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев, Казан мэры Илсур Метшин һәм РФ Төзелеш һәм ТКХ министры урынбасары Никита Стасишин Казансу яр буеның ике яңа участогын карап чыктылар.
Беренче участокта – Татарстан Республикасы Милли китапханәсеннән Миллениум күперенә кадәр-футбол уеннары өчен спорт мәйданчыклары, пляж волейболы һәм петанк урнашкан. Моннан тыш, Подлужная урамында тагын дүрт яңа килү юлы ачылган.
Яр буенда йөргәндә кунакларга «Елга капкалары» аудио-инсталляциясе проектын тәкъдир иттеләр. Махсус мәйданчыкларда гражданнар ял итә һәм Казансу елгасы һәм шәһәрнең танылган кешеләре турындагы тарихларга нигезләнгән кечкенә аудио-спектакльне тыңлый алачак.
Аннары Рөстәм Миңнеханов, Минтимер Шәймиев һәм башка кунаклар Кремльдән алып Киров дамбасына кадәр яр буе участогында булдылар. Биредә су буенда җәяүлеләр өчен уңайлы зоналар, ял итү урыннары булган яшел амфитеатр оештырылган, эскәмияләр һәм шезлонглар урнаштырылган, тирә-юнь яшелләндерелгән.