Минтимер Шәймиев һәм Клод-Луи Гальен XXVII Бөтендөнья җәйге студентлар уеннарының шахмат турнирын ачтылар

Бүген XXVII Бөтендөнья җәйге студентлар уеннарында шахмат турнирын ачу тантанасы булды, анда Татарстан Республикасы Дәүләт Киңәшчесе, Халыкара шахмат федерациясе (FIDE) президентының Өлкән киңәшчесе Минтимер Шәймиев, Халыкара сдудентлар спорты федерациясе (FISU) президенты Клод-Луи Гальен катнаштылар.

Ярышлар “Казан” ат спорты комплексында уза. Беренче турга 46 илдән 100 дән артык спортчы җыелган.

Беренче йөреш хокукы Татарстанның Беренче Президентына ышанып тапшырылды. Минтимер Шәймиев Кытайдан Джао Ксю һәм Швецариядән Десеруа Камиль ярышырга әзерләнгән шахмат тактасында Е2:Е4 символик йөреш ясады.

Шахмат беренче тапкыр 2011 елгы Универсиада программасына өстәмә спорт төре буларак керә. Казандагы 2013 елгы Универсиадада шахмат буенча ярышлар шулай ук өстәмә спорт төре буларак уздырыла.

Минтимер Шәймиев үзенең сәламләү сүзендә, хәзер Бөтендөнья Универсиадаларында шахмат уйныйлар, бу акыллы карар, чөнки балалар кечкенәдән шахмат уйный башлый, мәктәптә дәвам итәләр, студент еллары да шулай ук шахматчының үсеш процессыннан төшеп калырга тиеш түгел, дип белдерде.

Клод-Луи Гальен “Минем Минтимер Шәймиевкә дөнья студентлар спорты үсешенә өлеш кертүе өчен рәхмәт белдерәсем килә, чөнки ул Казандагы Универсиадага нигез салучы”,- дип хәбәр итте.

Ачылу тантанасыннан соң, матбугат конференциясе узды, анда ТР Дәүләт Киңәшчесе Минтимер Шәймиев, Халыкара студентлар спорты федерациясе президенты Клод-Луи Гальен, ТР шахматлар федерациясе президенты Геннадий Захаров, 2013 елгы Универсиадада шахмат буенча ярышлар директоры Александр Ткачев һәм Россиянең атаклы шахматчысы, шахмат олимпиадасында җиңүче Алисә Галләмова катнаштылар.