Минтимер Шәймиев Россия-Төркия җәмәгатьчелек форумы идарәсе әгъзасы Владимир Ивановский белән очрашты
2013 елның 16 августы, җомга
Владимир Ивановский 2007 елның гыйнварыннан 2013 елның июленә кадәр Россия Федерациясенең Төркия Республикасындагы Гадәттән тыш һәм Тулы вәкаләтле илчесе булды һәм Төркия Республикасы белән Татарстан Республикасы арасындагы хезмәттәшлекнең үсешенә зур өлеш кертте.
Очрашу башында Минтимер Шәймиев, күп еллар дәвамында бергәләп нәтиҗәле эш алып барган өчен, кунакка тагын бер кат рәхмәт әйтү мөмкинлегенә шат булуын, шул эшчәнлек аркасында Россия һәм Төркия, Татарстан һәм Төркия арасындагы элемтәләр ныгый һәм ышанычлы була бара, дип белдерде.
Владимир Ивановский Универсиадага яңартылган Казанга соклануын белдерде, соңгы елларда шәһәрдә булган уңай үзгәрешләрне билгеләп үтте.
Ул Төркия Президенты Абдуллах Гюль (февраль, 2009 ел) һәм Төркия Премьер-министры Рәҗәп Тайип Эрдоганны (март, 2011 ел) Татарстанга сәфәрләре барышында озата килгән.
Хәзерге вакытта Владимир Ивановский Россия-Төркия җәмәгатьчелек форумы идарәсе әгъзасы булып тора, аны формалаштыру карары 2010 елда, бер үк вакытта Россия Федерациясе һәм Төркия Республикасы арасында югары дәрәҗдәге хезмәттәшлек Советын оештырганда кабул ителгән.
Очрашу барышында Владимир Ивановский Минтимер Шәймиевне Россия-Төркия җәмәгатьчелек форумы идарәсе эшчәнлегенең төп юнәлешләре белән таныштырды. Форум, ике илнең халыклары һәм гражданнар җәмгыяте оешмалары арасында төрле яктан элемтәләрне камилләштерү максатыннан, ике ил мөнәсәбәтләре үсеше юнәлешләрен һәм стратегиясен эшләүгә юнәлтелгән.
Минтимер Шәймиев һәм Владимир Ивановский шулай ук Россия-Төркия форумын быел Казанда ноябрь аенда уздыру мәсьәләләре буенча фикер алыштылар.
ТР Президенты матбугат хезмәте
Бүлешү:
СОҢГЫ ЯҢАЛЫКЛАР
14
май, 2026 ел
Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.
9
май, 2026 ел
Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты.
Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты.
Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды.
.
Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды.
Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.
7
май, 2026 ел
Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды.
Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз