Минтимер Шәймиев Ингушетия Республикасы башлыгы Юныс-Бәк Евкуровка рәхмәт белдерде

2015 елның 2 апреле, пәнҗешәмбе

Татарстан Республикасының Беренче Президенты Минтимер Шәймиев Ингушетия Республикасы башлыгы Юныс-Бәк Евкуровка Назрань урамнарының берсенә аның исемен бирүләре өчен рәхмәт белдерде.

“Ингушетия халкының, шәхсән Сезнең һәм Назрань шәһәре мэры Алихан Тумгоевның миңа күрсәткән хөрмәте, безнең республикалар арасында рухи элемтәләрне һәм төрле яклы хезмәттәшлекне ныгыту һәм үстерү өчен тырышкан татар халкы улларының берсе исемен мәңгеләштерү карарын кабул иткән өчен ихлас күңелдән рәхмәт белдерәм.
Доккха баркал хилда шоана! Бик зур рәхмәт!”,- диелгән Ингушетия Респубикасы башлыгы Юныс-Бәк Евкуровка җибәрелгән телеграммада.

ТР Президенты матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

октябрь, 2024 ел

Рөстәм Миңнеханов һәм Минтимер Шәймиев татар театры легендасы Ринат Таҗетдинов белән хушлашу матәмендә катнаштылар

Бүген Г.Камал исемендәге Татар дәүләт академия театрында театр сәнгатенең күренекле эшлеклесе, РСФСР һәм Татарстан АССРның халык артисты Ринат Арифҗан улы Таҗетдинов белән хушлашу матәме узды. Чарада Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев һәм ТР Дәүләт Советы Рәисе Фәрит Мөхәммәтшин катнашты.

октябрь, 2024 ел

Минтимер Шәймиев ТР Дәүләт Советы утырышында катнашты

Бүген VII чакырылыш ТР Дәүләт Советының дүртенче утырышы ачылды. Утырыш эшендә Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Алексей Песошин, Дәүләт Думасы депутатлары һәм Россия Федерациясе сенаторлары, Хөкүмәт әгъзалары, республика ведомстволары, муниципаль берәмлекләр җитәкчеләре катнашты.

октябрь, 2024 ел

Минтимер Шәймиев Татарстан дәүләт хезмәте ветераннарын Халыкара өлкәннәр көне белән котлады

Бүген Казан Ратушасында Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев республика дәүләт хезмәте ветераннары белән очрашты. Очрашу 1 октябрьдә билгеләп үтелә торган Халыкара өлкәннәр көненә багышланды. Тантаналы чарада ТР Дәүләт Советы Рәисе Фәрит Мөхәммәтшин, ТР Рәисе Администрациясе Җитәкчесе Әсгать Сәфәров, ТР Премьер-министры урынбасары - ТР Министрлар Кабинеты Аппараты Җитәкчесе Шамил Гаффаров, шулай ук иҗтимагый ветераннар оешмалары вәкилләре катнашты.

сентябрь, 2024 ел

Минтимер Шәймиев ТР Дәүләт Советы депутатларын сайлауларда тавыш бирде

Бүген Татарстан Республикасы Дәүләт Киңәшчесе Минтимер Шәймиев Татарстан Республикасы Лаеш районының Боровое Матюшино бистәсендәге сайлау участогында VII чакырылыш ТР Дәүләт Советы депутатларын сайлауларда тавыш бирде.

ЯҢАЛЫКЛАРГА ЯЗЫЛУ