Минтимер Шәймиев ТР Дәүләт Советы утырышында катнашты

2015 елның 17 октябре, шимбә
Бүген бишенче чакырылыш Татарстан Республикасы Дәүләт Советының уникенче утырышы узды. Анда Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Хөкүмәт әгъзалары катнашты.

Президиум парламентарийлар каравына 33 мәсьәләне кертте, шул исәптә Татарстан Республикасы законнарының 10 проекты (барысы да беренче укылышта карау өчен әзерләнгән), федераль законнарның 20 проекты һәм бер Башкортстан Республикасы Корылтае - Дәүләт Җыенының закон чыгару инициативасы.

Көн үзәгендәге төп мәсьәлә 2016 елга республика бюджеты турындагы закон проекты иде. ТР икътисад министры Артем Здунов һәм ТР финанслар министры Радик Гайзатуллин Татарстанның социаль-икътисади үсеш фаразламасы турында доклад ясадылар. Республиканың төп финанс законына уңай бәяне Хисап палатасы бирде. Нәтиҗәдә закон проекты беренче укылышта кабул ителде. 12 көн эчендә 29 октябрьгә кадәр парламентарийлар һәм закон чыгару инициативасы хокукына ия булучылар төзәтмәләр кертә ала.
ТР Президенты матбугат хезмәте, 17 октябрь 2015 ел
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International