Казанда V республика ифтары узды
Бүген кич Казан теннис академиясендә V республика ифтары уздырылды.
Анада катнашучыларны Татарстан Республикасы Мөселманнары Диния нәзарәте Рәисе Камил хәзрәт Сәмыйгуллин каршы алды.
Ифтарда Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, ТР Президенты Аппараты Җитәкчесе Әсгать Сәфәров, Татарстан Республикасы сәламәтлек саклау министры Гадел Вафин, республика кешеләре, шулай ук дин әһелләре: Казан һәм Татарстан митрополиты Феофан, республиканың баш раввины Ицхак Горелик катнашты.
Ифтар Коръән сүрәләрен укудан башланып китте. Аннары намаз укыдылар, соңыннан ифтар кылынды.
Журналистларга республика мөфтие Камил хәзрәт Сәмыйгуллин хәбәр иткәнчә, республика ифтарында 10 меңләп кеше катнашты.