ЯҢАЛЫКЛАР
10 сентябрь көнне Казан Кремлендә Татарстан Республикасы Президенты Минтимер Шәймиев 2 класслы дәүләт юстиция киңәшчесе, Россия Федерациясе прокуратурасы каршындагы Тикшерү комитетының Татарстан Республикасы буенча Тикшерү идарәсе җитәкчесе Владимир Киршинга генерал погоннары тапшырды.
9 сентябрьдә Мәскәүдә Татарстан Республикасы Президенты Минтимер Шәймиев Россия Федерациясе Премьер-министры белән очрашты. Очрашу барышында Владимир Путин Татарстан Президенты белән төбәктәге социаль-икътисади хәл, шулай ук Казанда Универсиада – 2013 уздыруга әзерлек мәсьәләләре турында фикер алышты.
9 сентябрь көнне Төркия ягы инициативасы буенча Татарстан Республикасы Президенты Минтимер Шәймиев һәм Төркия Республикасы Президенты Абдуллах Гюль телефон аша әңгәмә корды.