ЯҢАЛЫКЛАР

25 августта Татарстан башкаласында "Очрашу урыны-Казан" традицион сәүдә-сәнәгать күргәзмәсе 17 нче тапкыр ишекләрен ача. 25 августтан 29 ына кадәр эшләячәк ярминкәне ТР Сәнәгать һәм сәүдә министрлыгы, Сәүдә-сәнәгать палатасы, Казан мэриясе һәм "Казан ярминкәсе" оештыра. Быелгы ярминкә Кече сәнәгать, һөнәри белем, авыл хуҗалыгы буенча уздырылучы халыкара күргәзмәнең 100 еллыгына багышлана.

Быел Казанның күп мәчетләрендә ифтар мәҗлесләре үткәрелә.

24 августта ТР Министрлар Кабинетында "Электрон Хөкүмәт проектын төзү буенча Татарстан тәҗрибәсе һәм федераль башкарма хакимият органнарының гражданнарга, оешмаларга мәгълүмати коммуникация технологияләрен кулланып хезмәт күрсәтү буенча эшчәнлеге" күчмә киңәшмәсе узды.

2008 елның апреленнән бирле Татарстанда салым түләүләрен ике үлчәмле штрих-кодлар ярдәмендә "Электрон касса" терминалы, шулай ук банкның операция кассаларында башкару буенча тәҗрибә проекты гамәлгә ашырыла. Бүген Федераль салым хезмәте җитәкчесе Михаил Мокрецов аның барышы белән "Ак Барс" банкының "Тандем" сәүдә комплексындагы бүлегендә якыннан танышты.

24 августта Казаннан Россия Эчке эшләр министрлыгының органнары һәм бүлекчәләренең вакытлыча оператив төркем составында Татарстан Эчке эшләр министрлыгы органнары хезмәткәрләре һәм ТР буенча Эчке эшләр министрлыгының махсус билгеләнүдәге милиция отряды Төньяк Кавказга китте.

25 августта Казандагы Муса Җәлил музей-фатирында татар халкының каһарман шагыйре кызы Чулпан Җәлилова һәм язучы Рафаэль Мостафин белән очрашу узачак. Анда Совет районы мәктәпләренең уку-укыту мөдирләренә Чулпан Җәлилова балачак хатирәләре белән уртаклашачак дип уйланыла.

РФ Премьер-министры урынбасары - РФ Хөкүмәте аппараты җитәкчесе Сергей Собянин Казанда эш сәфәре вакытында Федераль теркәү хезмәтенең Татарстан Республикасы буенча Идарәсендә булды, анда Электрон Хөкүмәт проектын төзүдә ТР тәҗрибәсе белән танышты.

Якын киләчәктә "АвтоВАЗ" һәм "КАМАЗ" берләшергә мөмкин. "Ростехнологияләр" дәүләт корпорациясе Россиянең ике зур заводы базасында холдинг төзи.

Татарстан башкаласына эш сәфәре белән РФ Премьер-министры урынбасары - РФ Хөкүмәте аппараты җитәкчесе Сергей Собянин килде. Аның визит программасында Федераль теркәү хезмәтенең ТР идарәсендә, "Идея" технопаркында булу, югары технологияләр өлкәсендә технопаркның (ИТ- парк) төзелеш мәйданы белән танышу каралган. Моннан тыш, кунакка ТР Мәгълүмат технологияләре үзәге базасында әле быел гына төзелгән Космик хезмәтләр буенча төбәк үзәге презентацияләнәчәк.

Социаль ипотека буенча фатир сайлауда берникадәр үзгәрешләр булды. Хәзер фатирны Интернетта сайлап булачак. Бүген ТР Президенты каршындагы Дәүләт торак фонды башкарма директоры Тәлгать Абдуллин ТР Хөкүмәте йортында әнә шул хакта хәбәр итте.