ЯҢАЛЫКЛАР

Быел Казанда коммерцияле торакны кулланылышка тапшыру күләме бераз киметеләчәк.

Муниципаль ихтыяҗлар өчен товарлар һәм хезмәтләр сатып алуда Татарстан электрон мәйданны куллану буенча Россиядә лидерларның берсе. Башка төбәкләр безгә килеп республиканың бу өлкәдәге тәҗрибәсен өйрәнә. Ә шул ук вакытта үзебезнең кайбер муниципалитетлар ук муниципаль ихтыяҗлар өчен сатып алуларда шушы электрон мәйдан мөмкинлекләреннән файдалана белми. 20 июль көнне бу хакта ТР Министрлар Кабинеты һәм ТР Муниципаль берәмлекләр советы Президиумнарының уртак утырышында сүз булды. Утырыш Премьер-министр Рөстәм Миңнеханов рәислегендә узды.

Агымдагы елда Казан метрополитены төзелешенә федераль бюджеттан 500 миллион сумга якын акча бүленәчәк.

Казанда 2013 елда үткәреләчәк Универсиадага төзелергә тиешле спорт объектлары һәм корылмаларының федераль бюджет хисабына салына торганнарының 29ында да, акча күчерелгәннән соң 1 атна дигәндә, эш башланды.

Казан авиация җитештерү берләшмәсе Ту–160 самолетларын модернизацияләү һәм техник хезмәт күрсәтү буенча дәүләт заказларын үтәвен дәвам итәчәк, шулай ук Россия җитәкчелеге өчен махсус самолетлар төзиячәк. Бу хакта бүген РФ Хөкүмәте вице-премьеры Сергей Иванов Казанда Горбунов исемендәге Казан авиация җитештерү берләшмәсенең киләчәк язмышына багышланган киңәшмәдә белдерде.

19 июльдә металлурглар һөнәри бәйрәмнәрен билгеләп үтә. ТР Сәнәгать һәм сәүдә министры Равил Зарипов республика металл коючыларына, тармак ветераннарына ТР Хөкүмәте исеменнән котлау юллады.

Татарстан Республикасы Президенты Минтимер Шәймиев исеменә Россия Федерациясе Федераль Җыены Дәүләт Думасы Рәисе Борис Грызловтан полипропилен материал җитештерү буенча югары технологияле яңа предприятие – “Полиматиз” ЯАҖ ачылу уңаеннан котлау телеграммасы килде.

17 июль көнне Россия Хөкүмәте вице-премьеры Сергей Иванов Казанга эш сәфәре кысаларында Татарстанда ГЛОНАСС базасында спутник навигациясен файдалану тәҗрибәсе белән танышты.

16 июль көнне ТР Министрлар Кабинетында республика Премьер-министрының беренче урынбасары Равил Моратов җитәкчелегендә Татарстанның хәрби хезмәткә чакырылыш Комиссиясе утырышы узды.