Минтимер Шәймиев “Яңарыш” республика фондының Попечительлек һәм Административ советлары утырышын уздырды
Бүген Казан Кремлендә “Яңарыш” республика фондының Попечительлек һәм Административ советларының 2017 ел нәтиҗәләре буенча утырышы узды. Аны Татарстан Республикасы Дәүләт Киңәшчесе, “Яңарыш” фондының Попечительлек советы рәисе Минтимер Шәймиев уздырды.
Киңәшмәдә шулай ук РФ Эчке эшләр министрлыгының ЮНЕСКО эшләре буенча комиссиясе җаваплы секретаре Григорий Орджоникидзе, ТР Президенты Аппараты җитәкчесе Әсгать Сәфәров, ТР Премьер-министры урынбасары-ТР Министрлар Кабинеты җитәкчесе, ЮНЕСКО эшләре буенча ТР комиссиясе җитәкчесе Шамил Гафаров, ТР Дәүләт Советы урынбасары, “Яңарыш” фондының Административ советы җитәкчесе Юрий Камалтынов, шулай ук фондның Халыкара ведомствоара фәнни-методик эксперт советы әгъзалары, ЮНЕСКО эшләре буенча ТР комиссиясе әгъзалары катнашты.
Минтимер Шәймиев киңәшмәдә катнашучыларның барысына да “Яңарыш” фондына ярдәмнәре һәм хезмәттәшлек өчен рәхмәт белдерде. Ул Успение соборы һәм Зөя утрау-шәһәрлеге монастыреның ЮНЕСКО Бөтендөнья мирасы исемлегенә кертелүен мөһим казаныш, дип билгеләде. Бу һәйкәл ЮНЕСКОның Россия Федерациясендәге 29 объекты.
Узган елда әһәмиятле казаныш буларак Минтимер Шәймиев Болгар ислам академиясе ачылуын атады. “Без аны бер ел эчендә төзедек. Югары мөселман белеме алучылар өчен барлык шартлар тудырылган. Бу Россиядә беренче тапкыр эшләнә”, - дип билгеләде ул.
ТР Дәүләт Киңәшчесе Казан Изге Ана иконасы соборын яңадан булдыру эшендәге уңышлар турында сөйләде. “Безнең уйларыбыз тормышка аша. Бу барыбызның да зур хезмәте”, - диде ул.
“Яңарыш” республика фондының 2017 елдагы эшчәнлек нәтиҗәләре һәм 2018 елга куелган бурычлар турында фондның башкарма директоры Татьяна Ларионова сөйләде. Ул хәбәр иткәнчә, 2017 елда Идел елгасы яр буеның икенче чиратын төзекләндерү эшләре төгәлләнгән. 2018 елда яр буеның Изге чишмә комплексыннан “Кол Гали” кунакханәсенә кадәрге участогын төзекләндерүне дәвам итү планлаштырыла. 2017 елда Спас өязе дворяннары музее һәм Болгар чәй эчү музее, җәй көне Успение соборы һәм монастыре музее ачылган.
2018 елда Болгарда 3 музей ачу планлаштырыла: Спас районында туып үскән язучы, шагыйрь Абдулла Алиш музее, лапидарий (таш плитәләргә язылган борынгы язу экспозициясе), “Елга буендагы шәһәр” музее.
Зөядә шулай ук 3 музей ачылачак: шуларның иң зурысы – Агач археологиясе музее, Икона язуы музее, элеккеге Ольга исемендәге балалар приюты бинасында ремонт-реставрация эшләрен төгәлләү планлаштырыла.
Болгарда “Кол Гали” кунакханә комплексында эшләрне төгәлләү агымдагы елның мөһим вакыйгасы булачак.
Татьяна Ларионова шулай ук фондның финанс эшчәнлеге белән дә таныштырды. “Фонд тарафыннан алынган акчалар катгый рәвештә ТР Министрлар Кабинетының 2017 елның 22 февраль карары нигезендә объектларда уздырыла торган чараларга җибәрелде”,- дип ассызыклады ул.
Киңәшмәдә шулай ук Яшел Үзән районы башлыгы Александр Тыгин, Болгар музей-саклаулыгын үстерү буенча директор урынбасары Лилия Сафина, Россия дәүләт тарих архивы баш белгече Никита Крылов, “Монументум” яшьләр инициатив төркем җитәкчесе, КФУ магистратурасы студенты Эмиль Адлейба чыгыш ясадылар.