Чистай муниципаль районы башлыгы Илдус Әхмәтҗанов булды

17 апрельдә Татарстан Республикасы Премьер-министры вазифаларын башкаручы Равил Моратов Чистай муниципаль районының 39нчы сессия эшендә катнашты. Утырыш барышында Чистай муниципаль районы башлыгы Вячеслав Козлов муниципаль район Советы рәисе һәм район башлыгы вазифаларыннан китүе турында хәбәр итте. Депутатлар Вячеслав Козловның башка эшкә китү сәбәпле отставкасын кабул иттеләр.

Чистай муниципаль районы Советы депутатларына башлык вазифасына Чистай шәһәр Советы депутаты Илдус Әхмәтҗанов тәкъдим ителде. Чистай муниципаль районының сайланган башлыгы Илдус Әхмәтҗанов булды.

Мәгълүмат өчен:

Әхмәтҗанов Илдус Тәлгать улы 1966 елның 20нче июлендә Чистайда туган.

2002 елда - Бөек Британиянең Ачык университетын (менеджер), 2004 елда Туполев ис. Казан дәүләт техника университетын тәмамлаган (инженер-конструктор). Чистай шәһәр Советы депутаты.

Төрле елларда "Чистай" совхоз-техникумының ВЛКСМ комитеты сәркатибе, "Темп" (Казан) кооперативы рәисе урынбасары, "Чистай ЛТД" (Чистай) каршындагы "Сәүдә йорты" кибете директоры, "Универсалторг" Чистай күпләп-әзләп сату предприятиесе" ҖЧҖнең коммерция директоры булып эшләгән.

Моңа кадәр "Универсалторг" идарә компаниясе" ҖЧҖ (Чистай) генераль директоры булган.

"Казанның 1000-еллыгы истәлегенә" медале белән бүләкләнгән (2005 ел).

.