"Без булдырабыз!" акциясенә Казан шәһәре Башкарма комитеты 1 көнлек хезмәт хакын күчерә

2009 елның 25 мае, дүшәмбе
25 май көнне Казан шәһәре Башкарма комитеты идарәләре һәм комитетлары, шәһәр районнары җитәкчеләренең "дүшәмбе киңәшмәсе"ндә мэр Илсур Метшин узган атнада шәһәрдә спорт тормышында булган әһәмиятле вакыйгаларга тукталып, Казанның футбол буенча Россия Кубогын алу мөмкинлеге булуын белдерде.

Шулай ук "Россия студент язы-2009" Бөтенроссия фестиваленың йомгак фестивале Татарстан студентлары өчен, ә аларның 98ләп процентын Казан студентлары тәшкил итә, Гран-при белән тәмамлануын да әһәмиятле казаныш буларак билгеләп үтте.

Шәһәр башлыгы утырышта катнашкан җитәкчеләргә мөрәҗәгать итеп, мэр шәһәр Башкарма комитетының республика күләмендә игълан ителгән "Без булдырабыз!" хәйрия акциясенә кушылып, "Дети" SMS-акциясенә 1 көнлек хезмәт хакын җибәрүен белдерде һәм һәр подразделениене шушы эшкә кушылырга чакырды.

МА "Татар-информ", 2009 елның 25 мае
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International