22 майда "Ак Барс" хөрмәтенә Казанда зур хоккей бәйрәме узачак

2009 елның 19 мае, сишәмбе
Казанда хоккей сезоны инде бер ай элек тәмамланды дип уйлаучылар ялгыша. Тамашачыларны иң зур чара әле алда көтә. Бу җомгада, ягъни 22 майда башкалада Гагарин Кубогының беренче хуҗалары, Россия чемпионнары- "Ак Барс"ны бүләкләү хөрмәтенә хоккей бәйрәме гөрләячәк.

Казан клубының рәсми сайты хәбәр итүенчә, бәйрәм бик купшы һәм сюрпризларга бай булырга охшаган. Тантана кичке алтынчы яртыда "Татнефть Арена" янында тамашачыларның хоккейчылар белән очрашуыннан башлана. 18 сәгатьтә Боз сараенда артистлар, акробатлар, гимнастлар катнашында "Йолдыз юлы" дигән лазерлы, пиротехник шоу тәкъдим ителә. Ярты сәгатьтән соң, чемпионнарны бүләкләү тантанасы башлана.

Кичке 7 дә хоккей бәйрәме "Татнефть Арена"дан Казан урамнарына күчә. Чемпионнар Кубок белән Ярминкә мәйданына юл алачак. Биредә махсус куелган сәхнәдә хоккейчыларны хөрмәтләү дәвам итәчәк. Аннан соң ике сәгать дәвамында тамашачылар Россия эстрадасы йолдызлары чыгышын күзли алачак. Хоккей бәйрәменә кичке унда бәйрәм салюты нокта куя.

МА "Татар-информ", 2009 елның 19 мае
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International