ТР Матбугат һәм массакүләм коммуникацияләр "Татмедиа" агентлыгы оештырылды
2009 елның 19 мае, сишәмбе
Татарстан Республикасы Матбугат һәм массакүләм коммуникацияләр өлкәсендә дәүләт идарәсен камилләштерү максатыннан Татарстан Республикасы Конституциясенең 94 маддәсе һәм Татарстан Республикасы (Татарстан Республикасы дәүләт хакимиятенең башкарма органнары турында"гы Законы нигезендә карар итәм:
1. ТР Министрлар Кабинеты тәкъдимен кабул итәргә һәм Татарстан Республикасы Массакүләм коммуникацияләр "Татмедиа" агентлыгын Татарстан Республикасы Матбугат һәм массакүләм коммуникацияләр "Татмедиа" агентлыгына үзгәртергә.
Республика Матбугат һәм массакүләм коммуникацияләр "Татмедиа" агентлыгын аның турындагы нигезләмәгә таянып, матбугат һәм массакүләм коммуникацияләр өлкәсендә дәүләт идарәсе мәсьәләләре буенча вәкаләтен үтәүче Татарстан Республикасы дәүләт хакимиятенең башкарма органы (Татарстан Республикасы ведомствосы) итеп гамәлгә кертергә.
2. Республика Матбугат һәм массакүләм коммуникацияләр "Татмедиа" агентлыгын Татарстан Республикасы Министрлар Кабинеты тәкъдиме буенча Татарстан Республикасы Президенты билгеләгән җитәкче идарә итә, шулай ук җитәкче ТР Президенты тарафыннан вазифасыннан азат ителә.
Республика Матбугат һәм массакүләм коммуникацияләр "Татмедиа" агентлыгы җитәкчесен Татарстан Республикасы Министрлар Кабинеты составына кертергә.
3. Республика Матбугат һәм массакүләм коммуникацияләр "Татмедиа" агентлыгы Татарстан Республикасы Массакүләм коммуникацияләр "Татмедиа" агентлыгын алыштыра, шул исәптән төзелгән килешүләр буенча вазифалар буенча да.
4. Татарстан Республикасы Министрлар Кабинеты:
Республика Матбугат һәм массакүләм коммуникацияләр "Татмедиа" агентлыгы Татарстан Республикасы Массакүләм коммуникацияләр "Татмедиа" агентлыгына үзгәртелүе белән бәйле чаралар комплексын закон буенча гамәлгә куярга;
Республика Матбугат һәм массакүләм коммуникацияләр "Татмедиа" агентлыгы турындагы Нигезләмәне эшләргә һәм расларга;
Структура, хезмәткәрләр санын расларга һәм Татарстан Республикасы бюджеты тарафыннан Республика Массакүләм коммуникацияләр "Татмедиа" агентлыгын финанслауга каралган акча кысаларында Республика Матбугат һәм массакүләм коммуникацияләр "Татмедиа" агентлыгы эшчәнлеген финанслауга асигновать ителгән күләмне билгеләргә;
Татарстан Республикасы башкарма хакимияте органнары структурасын оптимальләштерү һәм хезмәткәрләре санын кыскартуны исәпкә алып, Республика Матбугат һәм массакүләм коммуникацияләр "Татмедиа" агентлыгы дәүләт гражданнар хезмәте вазифаларын санын раслау буенча тәкъдимнәр кертергә;
Республика Матбугат һәм массакүләм коммуникацияләр "Татмедиа" агентлыгы эшчәнлегенең башка оештыру, матди-техник һәм финанс мәсьәләләрен хәл итәргә;
Указ нигезендә актлар булдырырга, шулай ук аны гамәлгә куюны тәэмин итүче карарлар кабул итәргә.
5. Указ имзаланган көннән гамәлгә керә.
18 майда ТР Президенты "Республика Матбугат һәм массакүләм коммуникацияләр "Татмедиа" агентлыгының җитәкчесе итеп Марат Яшәр улы Моратовны билгеләү турындагы" Указга (№УП-281) кул куйды.
Татарстан Республикасы Президенты Указы нигезендә М.Я.Моратов башка эшкә күчү сәбәпле, Республика Массакүләм коммуникацияләр "Татмедиа" агентлыгының генераль директоры вазифасыннан азат ителде.
Бу хакта ТР Президентының рәсми сайтында хәбәр ителә.
СОҢГЫ ЯҢАЛЫКЛАР
18
декабрь, 2025 ел
Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.
11
декабрь, 2025 ел
Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды.
Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.
9
декабрь, 2025 ел
Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде.
Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.
4
ноябрь, 2025 ел
Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.
ЯҢАЛЫКЛАРГА ЯЗЫЛУ
Телефон:
+7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз