Казанга Россиянең Мәгариф һәм фән министрлыгы җитәкчесе килде

2009 елның 24 апреле, җомга
Россия Мәгариф һәм фән министры Андрей Фурсенко кичә кич Татарстан башкаласына эш сәфәре белән килде. Бүген Андрей Фурсенко Казан венчур ярминкәсендә катнаша, КДТУ-КАИ, КДТУ-КХТИ да була һәм республиканың югары уку йортлары ректорлары белән очрашачак.

КАИда 15 сәгатьтә А.Н.Туполев исемендәге Казан дәүләт техник университетының инновацион-күргәзмә үзәген ачу тантанасы була. Бу чарада А.Фурсенко катнашыр, дип көтелә. Күргәзмә экспозициясе вузның 7нче уку бинасында урнашкан, дип хәбәр итә КАИ матбугат хезмәте.

19 планшетта авиация, энергетика һәм прибор төзелеше өлкәсендә 47 эшләнмә турында мәгълүмат тәкъдим ителгән. Моннан тыш, күргәзмәдә КДТУ–КАИ галимнәре уйлап тапкан уникаль үрнәкләр тәкъдим ителгән.

Фурсенкога күргәзмәдән тыш исәпләү кластеры – Казанда һәм республикада иң көчле суперкомпьютер күрсәтеләчәк. Ул “Мәгариф” илкүләм проекты кысаларында инновацион-мәгариф программасын гамәлгә кую өчен КДТУ–КАИ алган грант буенча сатып алынган. Кластер аэрогидродинамика, механика, математик модельләштерү проблемаларын хәл итәргә ярдәм итә.

Техник университет матбугат хезмәте мәгълүматлары буенча КДТУда Андрей Фурсенко фәнни-тикшеренү лабораториясе, вузның синтетик каучук технологиясе кафедрасы, шулай ук КДТУның казанышлар күргәзмәсе белән танышачак, вуз тарихы музеенда булачак.

ИА "Татар-информ", 24 апреля 2009 г.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International