Казанда IV венчур ярминкәсе ачыла

24 апрельдә Казанда IV венчур ярминкәсе ачыла. Узган елгы III ярминкәдә Россиянең 14 шәһәреннән 120 дән артык инвестиция компаниясе тәкъдим ителгән иде. Алар нефть, газ, химия сәнәгате, машина, җиһазлар төзелеше, энергетика, мәгълүмат технологияләре, авыл хуҗалыгы, биотехнологияләр кебек перспектив юнәлешләрне эченә алды. Быелгы ярминкә эшендә кече һәм урта эшмәкәрлеккә ярдәм чараларын гамәлгә ашыручы, фәнгә нигезләнгән бизнеска инвестицияләр җәлеп итү сәясәтен формалаштыручы төбәк һәм федераль структуралар вәкилләре, Россия һәм чит илләрнең финанс оешмалары, бизнес җәмәгатьчелек катнашачак.

ТР Инвестиция-венчур фондыннан хәбәр итүләренчә, IV ярминкәгә үз бизнесларын үстерүгә туры шәхси инвестицияләр җәлеп итүгә кызыксыну белдергән компанияләр чакырылган. Алар – югары өстәмә салым белән продукция (хезмәтләр) җитештерүчеләр, югары үсеш темплары күрсәтүчеләр һ.б. Дәрәҗәле Судьялар комиссиясе экспонет-компанияләр арасыннан төрле номинацияләрдә җиңүчеләрне билгеләячәк. IV Казан венчур ярминкәсенең йомгаклары буенча, Американың гражданлык тикшеренүләре һәм ТР Инвестиция-венчур фондлары арасында Ниятләр һәм аңлашу турында Меморандум имзаланачак. Аның нигезендә яклар кече һәм урта технологик предприятиеләргә ярдәм чаралары күрергә, АКШ белән Татарстанның эшмәкәрлек, инвестиция җәмәгатьчелеге арасында элемтәләр булдыруга, фәнни-техник хезмәттәшлекне ныгытуга йөкләмә ала.