ТР Премьер–министры суд приставлары Федераль хезмәте директоры белән очрашты

2009 елның 23 апреле, пәнҗешәмбе
23 апрель көнне Татарстан Республикасы Премьер–министры Рөстәм Миңнеханов суд приставлары Федераль хезмәте директоры – Россия Федерациясенең баш суд приставы Артур Парфенчиков белән очрашты, дип хәбәр итә ТР Хөкүмәтенең рәсми порталы.

Яклар республикадагы икътисади вәзгыять турында фикер алышты. Моннан тыш, суд приставлары хезмәтен алга таба үстерү һәм камилләштерү хакында сүз барды.

ТР Министрлар Кабинеты Аппаратының административ һәм хокук саклау органнары идарәсе башлыгы Александр Вайда очрашу тәмамлангач хәбәр иткәнчә, Казанга сәфәре барышында Артур Парфенчиков суд приставлары Федераль хезмәтенең ТР буенча идарәсе эшчәнлеге белән танышкан.

ТР Премьер–министры белән очрашуда суд приставлары Федераль хезмәтенең ТР буенча идарәсе башлыгы Хәмит Шәрипов, ТР Министрлар Кабинеты Аппараты җитәкчесе Шамил Гаффаров катнашты.

Искәртеп узабыз, Артур Парфенчиков бүген 2008 елдагы эшчәнлек нәтиҗәләре һәм 2009 елга билгеләнгән бурычлар хакында фикер алышуга багышланган Россия Арбитраж судлары рәисләре киңәшмәсендә катнаша.

МА "Татар-информ", 2009 елның 23 апреле
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International