Казанга РФ Югары арбитраж суды рәисе килде

22 апрель кичендә Казанга РФ Югары арбитраж суды рәисе Антон Иванов килде. “Казан” Халыкара аэропортында аны ТР Дәүләт Советы Рәисе Фәрит Мөхәммәтшин каршы алды.

Традиция буенча милли киемдәге кызлар дәрәҗәле кунакны чәкчәк белән каршы алды. Бүген Антон Иванов Казан ратушасында РФ Югары арбитраж судының киңәйтелгән күчмә утырышын үткәрәчәк.

РФ Югары арбитраж судының рәсми сайтында хәбәр ителгәнчә, 24 апрельдә Казанда икътисад өлкәсендәге бәхәсләрне хәл итүче югары арбитраж, хуҗалык, икътисад һәм башка судлар рәисләре Советының чираттагы VI утырышын һәм “Суд карары һәм хокук” дип исемләнгән халыкара фәнни-гамәли конференция үткәрү планлаштырыла.