Татарстан делегациясе Төрекмәнстан Хөкүмәте утырышында катнашты

2009 елның 28 апреле, сишәмбе

Премьер-министр Рөстәм Миңнеханов җитәкчелегендәге Татарстан делегациясе 25-26 апрель көннәрендә Төрекмәнстанда эш сәфәрендә булды. Министрлар Кабинетының матбугат хезмәте хәбәр иткәнчә, шимбә көнне Татарстан делегациясе Төрекмәнстан Хөкүмәте утырышында катнашкан. Аның барышында ил Президенты Гурбангулы Бердымөхәммәтов 400 “КАМАЗ-65115” йөк автомобилен һәм аларга запас частьләр сатып алу турында карар имзалаган. Аның гомуми суммасы 22 млн. доллар тәшкил итә. Утырыш эшендә катнашкан “КАМАЗ” ААЌ генераль директоры Сергей Когогин, “Татнефть” ААЌ генераль директоры Шәфәгать Тәхәветдинов, “Татэнерго” ААЌ генераль директоры Илшат Фәрдиев хезмәттәшлек тәкъдимнәре белән чыккан. Аерым алганда, Татарстан ягын электр энергетикасы (махсус җиһазлар белән тәэмин итү) өлкәсендә хезмәттәшлек кызыксындырган.

Гурбангулы Бердымөхәммәтов белдергәнчә, Төрекмәнстан Татарстан белән суднолар, моторлар төзү, авыл хуҗалыгы өлкәләрендә хезмәттәшлеккә, мәдәни һәм фәнни өлкәләрдә багланышларга әзер. Бүгенге көндә әлеге Азия иленең 60 гражданы Татарстан вузларында белем ала.

Татарстан Хөкүмәте җитәкчесе Рөстәм Миңнеханов, үз чиратында, Төрекмәнстан җитәкчелегенә Татарстан Президенты Минтимер Шәймиевнең сәламнәрен ирештереп, ике республика арасындагы мөнәсәбәтләрнең динамик үсешен билгеләп үткән.

Бүгенге көндә Татарстан предприятиеләре “Туркменгаз”, “Туркменнефтегазстрой” ДК, Төрекмәнстан Сәүдә министрлыгы уздырган тендерларда актив катнаша.Узган ел Татарстан белән Төрекмәнстан арасында тышкы сәүдә әйләнеше күләме, 2007 ел белән чагыштырганда, 3,7 тапкырга арткан һәм 124 млн. доллар тәшкил иткән. Хәзерге вакытта “Татнефть” “Туркменнефть” компаниясе белән хезмәттәшлек итә, “КАМАЗ” ААЌ Ашхабад һәм Балканобад шәһәрләрендә автомобильләргә техник хезмәт күрсәтү станцияләре эшли. Татарстан Төрекмәнстанны “Казан вертолет заводы” ААЌ дә җитештерелгән техника белән тәэмин итүне яңартырга ниятли.

Хөкүмәт утырышыннан соң, Татарстан делегациясе вәкилләренең Төрекмәнстан Министрлар Кабинеты вәкилләре белән адреслы очрашулары узган. 26 апрельдә Рөстәм Миңнеханов дәүләт ипподромында Төрекмән чабышкысы бәйрәмендә катнашкан. 26 апрель кичендә Татарстан делегациясе Казанга кайтты.

МА "Татар-информ", 2009 елның 27 апреле

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ