Госман хәзрәт Исхакый ветераннарны Җиңү көне белән тәбрик итте

Татарстан мөселманнары Диния нәзарәте рәисе Гоман хәзрәт Исхакый ветераннарны Җиңү көне белән тәбрик итте.

Котлауда болай диелә:

Бисмилләәһир-рахмәәнир-рахииим, әлхәмдүлилләһи раббил гәәләмииин.

Әссәләмү гәләйкүм вә рахмәтуллаһи вә бәракәтүһ!

Хөрмәтле ветераннар!

Татарстан мөселманннары һәм шәхсән үз исемемнән сезне бөек бәйрәм - Җиңү көне белән тәбрикләргә рөхсәт итегез!

Бәхәссез, үткән еллар вакыйгалары турында истәлек һәрберебез өчен кыйммәтле: безнең әтиләребез, бабаларыбыз, бабаларыбызның әтиләре үзләренең гомерләрен дә кызганмыйча, кешелекнең иң кыйммәтле казанышы, халыклар арасында тынычлыкны саклап калдылар. Без аларның дәвамчылары шуны истә тотып һәм сугышта һәлак булганнар, тыл хезмәтчәннәренә хөрмәт йөзеннән, тынычлыкны һәм үзара аңлашып яшәүне сакларга тиешбез.

Аллаһка дан һәм хөрмәт, республикадагы төп конфессияләр һәм күпсанлы халыклар арасындагы тынычлык һәм үзара килешеп яшәү, ул толерантлык һәм гуманлылыкны раслау, Татарстанның күпмилләтле халкы өчен иң бөек кыйммәтләрнең берсе булып торды.

Бөек Җиңү бәйрәме алдыннан аеруча шуны да ассызыклыйсы килә - кызганычка каршы соңгы вакытларда нацизм, раса һәм дини каршылыклар берничек тә кабүл ителми һәм кешелекнең бар яшәешенә, табигатенә каршы килә.

Хөрмәтле ветераннар, сугышта катнашканнар һәм гомумән шушы тетрәндергеч вакыйгаларның шаһитлары, солдатлар, тыл хезмәтчәннәре! Сезнең батырлыгыгыз һәм каһарманлыгыгыз турында истәлек гасырларда калыр. Сезгә нык сәламәтлек, озын гомер телим һәм сезнең алдагы көннәрегез һәрвакыт якты, шатлыклы булсын һәм Җиңү көнендәге кебек гүзәл мизгелләр белән бизәлсен!

ТР мөселманнары Диния нәзарәте рәисе, мөфти Госман хәзрәт Исхакый