Дүртенче чакырылыш ТР Дәүләт Советының икенче утырышы Казанда 22 апрельдә уза

2009 елның 21 апреле, сишәмбе

22 апрельдә Казанда дүртенче чакырылыш ТР Дәүләт Советының икенче утырышы узачак. Бу хакта парламентның матбугат хезмәте хәбәр итә.

Сессиянең көн тәртибенә 62 мәсьәлә чыгарыла. Аларның 11е – Татарстан законнары проектлары, шулай ук ТР Прокуроры протестлары, ТР Дәүләт Советы карарлары, федераль закон проектлары, РФ субъектлары дәүләт хакимияте закон чыгару органнарының закон инициативалары да бар.

Депутатлар, аерым алганда, беренче укылышта республиканың җир асты байлыклары, Татарстан Республикасында хезмәт саклау турындагы Законнарына үзгәрешләр кертү белән бәйле закон проектларын караячак. Шулай ук Татарстан Республикасы Бюджет кодексына да үзгәрешләр кертү көтелә.

Сессиядә КПРФтан сайланган депутат Хафиз Миргалимов соравы буенча, ТР Хөкүмәтенең кризиска каршы алып барган чаралары турындагы мәгълүматы да тыңланачак.

МА "Татар-информ", 2009 елның 21 апреле

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Минтимер Шәймиев Туган тел көненә һәм бөек татар шагыйре Габдулла Тукайның тууына 140 ел тулуга багышланган тантанага катнашты

Бүген Казанда, Г.Камал исемендәге театрның яңа бинасында Туган тел көненә һәм бөек татар шагыйре Габдулла Тукайның тууына 140 ел тулуга багышланган тантана узды. Анда Татарстан Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, ТР Дәүләт Советы Рәисе вазыйфаларын башкаручы Марат Әхмәтов, ТР Дәүләт Советының Мактаулы рәисе Фәрит Мөхәммәтшин катнашты.

Рөстәм Миңнеханов һәм Минтимер Шәймиев шагыйрь Габдулла Тукай һәйкәленә чәчәк салдылар

Бүген Казанда Туган тел көненә һәм Габдулла Тукайның тууына 140 ел тулуга багышланган тантаналы чаралар уза. Татарстан Республикасы Рәисе Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев бөек татар шагыйре һәйкәленә чәчәк салдылар.

апрель, 2026 ел

Минтимер Шәймиев: «Замана сынауларын узганда карашыбыз әледән-әле Тукай иҗатына төбәлә»

Бу көннәрдә республикабыз татар халкының даһи улы, сөекле шагыйребез Габдулла Тукайның 140 еллык юбилеен билгеләп үтә. Әлеге уңайдан Татарстан Республикасының беренче Президенты, Татарстанның Дәүләт Киңәшчесе Минтимер Шәймиев «Татар-информ» мәгълүмат агентлыгы сорауларына җавап бирде.

март, 2026 ел

Минтимер Шәймиев: "Фәрит Мөхәммәтшин – илнең иң яхшы парламентарийларының берсе»

Татарстан Республикасы Дәүләт Киңәшчесе Минтимер Шәймиев кичә Фәрит Мөхәммәтшинның депутат һәм Дәүләт Советы Рәисе вәкаләтләрен вакытыннан алда туктатуы турындагы карарына бәйле рәвештә «Татарстан – Яңа Гасыр» телерадиокомпаниясенең «Семь дней» программасына интервью бирде.

ЯҢАЛЫКЛАРГА ЯЗЫЛУ