Татарстан геологлары эчә торган җир асты суының яңа запасларын тапкан

“Татнефть” ААЌнең Татарстан геология-күзәтү идарәсе (ТГКИ) Биектау, Кама Тамагы, Мөслим, Актаныш, Чирмешән һәм Нурлатны тәүлегенә 15,1 мең куб.м хуҗалыкта кулланылышлы һәм эчәргә яраклы су белән тәэмин итү өчен ачыкланган җир асты сулары запасларын дәүләт тикшерүенә әзерләде.

Шул исәптән Биектауда тәүлегенә 1 мең куб.м файдалану запаслары раслануга әзерләнгән, бу гамәлдәге су алу җайланмасының мәйданын киңәйтергә мөмкинлек бирә. Кама Тамагын су белән тәэмин итү өчен норматив документлары таләпләренә җавап бирә торган тәүлегенә 1,1 куб.метр күләмендә җир асты суы запаслары файдалануга тапшыру өчен әзерләнгән. Бу чыганакларны үзләштерү район үзәген су белән тәэмин итү сыйфатын сизелерлек яхшыртачак.

Мөслим өчен тәүлегенә 3,6 куб.м күләмендә җир асты сулары ачыкланган һәм бәяләнгән, шул исәптән Ташлыяр авылы тирәсендә чишмә барлыгы ачыкланган, хәзер анда район үзәген су белән тәэмин итү өчен җайланма төзелә. Бүгенге көндә Мөслим исе, каты һәм тонык булуы, тимер һәм марганец микъдары буенча эчә торган су нормаларына туры килми торган су белән тәэмин ителә.

Татарстанның Экология һәм табигый ресурслар министрлыгында хәбәр итүләренчә, җир асты суларын эзләү-бәяләү эшләре Сарман районының Ќәлил бистәсен җир асты запаслары белән тәэмин итүгә дә юнәлдерелгән. Запасларны этаплап үзләштерү якын арада бистәне хуҗалыкта кулланылышлы һәм эчәргә яраклы җир асты суы белән тәэмин итүгә күчәргә мөмкинлек бирәчәк.