Татарстанда яңа тармак - нефть химиясе машина төзелеше барлыкка килергә мөмкин

13 апрельдә Казанда Татарстан Премьер-министры Рөстәм Миңнеханов рәислегендә «Татнефтехминвест-холдинг» ЌЧЌ Директорлар советы утырышы булды.

Холдингның генераль директоры Рафинат Яруллин Татарстан нефть-газ химиясе комплексы предприятиеләре эшчәнлегенең агымдагы елның 1 кварталы нәтиҗәләре һәм аларны чимал белән тәэмин итү турындагы доклад белән чыгыш ясады. Дөньяви финанс кризис шартларында бу елның беренче өч аенда комплекс предприятиеләре 2008 елның 1 кварталы белән чагыштырганда продукция чыгару күләмен өчтән бер өлешкә киметте, ул 72 млрд.сум тәшкил итә.

Күп кенә предприятиеләрдә җитештерү эшчәнлеге ун елга беренче тапкыр кимеде. Февральдән башлап Россия химия һәм нефть химиясе базарларының берникадәр җанлануы сизелә. Татарстанда бу нефть продуктлары җитештерүгә дә кагыла. Мартта комплексның төп предприятиеләре үсүләрен дәвам итте. Продуктны сатуның уңай динамикасы эчке базарда һәм шулай ук экспортта да күзәтелде.

Ђлегә Россиядә нефть эшкәртү комплексы төзелеше буенча проектлар ерак киләчәккә калдырылу тенденциясе күзәтелә. Чималны тирәнтен эшкәртү мәсьәләсе хәл ителми. Татарстан Түбән Камада "ТАНЕКО" проектын чынга ашырып, ил үсеше өчен стратегик максатларны һәм кризиска каршы чараларны эштә гамәлгә куючы төбәкләрнең берсе, дип билгеләп үтте Р.Яруллин.

Ул перспективалы проектларны гамәлгә кую исәбенә көндәшлеккә ия булу сәләтен булдыру мисалы буларак “Түбән Кама Шин” ААЌндә “Кама Евро” покрышкаларын чыгаруны оештыруны атады. Беренче кварталда барлык ассортименттан бу шиннарны чыгару күләме азрак кимегән. Аерым алганда, “Түбән Кама Нефтехим”ның полиэтилен, “Казаноргсинтез”ның поликарбонат чыгаруын уңышлы мисал итеп китерергә була. Моннан тыш, “Роснано” дәүләт корпорациясе Татарстанның “Данафлекс” проектын финанслау турында уңай карар кабул итте. Рөстәм Миңнеханов “Данафлекс”ны Татарстанда нанотехнологияләрне үстерүдә беренче карлыгач дип атады. Аның сүзләренчә, кризис чорында яңа технологияләр кирәк, ә нанотехнологияләр бу юнәлештә нигез булырга мөмкин.

“Казан синтетик каучук заводы” ААЌендә гамәлгә кую ниятләнгән икенче перспективалы проект турында Элемент органик кушылмалар химиясе һәм технологиясе Дәүләт фәнни тикшеренү институтының генераль директоры Павел Стороженко белдерде. Сүз “Казан силиконы” кремний органик производство комплексын булдыру турында бара. Ул силикон җитештерәчәк, чөнки заманча технологияне һәм сәнәгатьнең төрле тармакларын аннан башка үстерү мөмкин түгел.

Рөстәм Миңнеханов бу проектны гамәлгә куюда ярдәм итәргә вәгъдә итте. “Татэлектромаш” ААЌ генераль директоры Илдус Исламов Татарстанда нефть һәм нефть химиясе җиһазлары җитештерүне оештыру перспективалары турында сөйләде. Аның фикеренчә, тиешле кластерга берләштерелгән республика заводларының җитештерү потенциалы шундый продукциянең киң номеклатурасын үзләштерүгә сәләтле. Татарстан нефть эшкәртү тармагын үстерүне дәвам иткәндә чит илдән кайтарылган производство җиһазларын урнаштыруны тәэмин итә ала. Нәтиҗәдә, яңа тармак - нефть химиясе машина төзелеше барлыкка килә, дип саный Илдус Исламов.

Рөстәм Миңнеханов бу идеяне зур производство оештыруда бай тәҗрибәсе булган "ТАНЕКО" базасында гамәлгә куярга тәкъдим итте. "ТАНЕКО" завод кына түгел, ә яңа заводларны комплекслы төзүче идарә итүче компания булырга тиеш. "ТАНЕКО" кебек мөһим проект тәҗрибәсендә киләчәктә җиһазларны капиталь ремонтлауны ышанып тапшыра торган зур корпорация булырга тиеш, диде Татарстан Хөкүмәте җитәкчесе.

Утырышта шулай ук 26 майга билгеләнгән “Татнефтехиминвест-холдинг” ААЌ акционерлары җыелышын оештыру һәм үткәрү белән бәйле мәсьәләләр каралды.