ТР Премьер-министры Рөстәм Миңнеханов бүген Лениногорски районында эш сәфәрендә

ТР Премьер-министры Рөстәм Миңнеханов бүген Лениногорски районында эш сәфәрендә. Хөкүмәт башлыгы сәфәрен “Идея Көньяк-көнчыгыш” технопаркы, анда эшләүче резидент компанияләр эшчәнлеге белән танышудан башлады, дип хәбәр итә Министрлар Кабинетының матбугат хезмәте. Ђлеге инновация-җитештерү технопаркын “Татнефть ААЌ бнлән “Идея”технопаркы гамәлгә куйган иде. Бүген биредә теркәлү узган 4 дистәдән артык компания эшли. Шуларның яртысы – шәхси эшмәкәрләр. Премьер-министр, аерым алганда, “Агро-Идея” фирмасының авыл хуҗалыгы техникасын җыю цехын, шулай ук корпуслы мебель җыелучы мәйданнарны караган.

Хөкүмәт башлыгы сәфәре программасындагы икенче нокта – Лениногорскиның капиталь төзекләндерү алып барылучы торак йортлары. Быелгы ремонт программасына биредәге 91 торак йорт кертелгән. Премьер-министр Добролюбов урамындагы ике подъездлы 5 катлы шундый йорттагы эшләрнең барышы белән танышкан. Биредә агымдагы елның беренче кварталында кайнар һәм салкын су торбалары алмаштырылган, суның хисабын алу узеллары урнаштырылган. Ремонт эшләре икенче кварталда да дәвам итәчәк. Бу юлы йорт түбәсе һәм фасад яңартылачак.

Сәфәр барышында Хөкүмәт җитәкчесенең игътибарыннан “Татнефть” ААЌ бораулау торбаларын ремонтлау цехы белән Лениногорски нефть автоматикасы тәҗрибә заводы да калмаган. Объектларны караганнан соң, Лениногорски муниципаль районы хакимияте бинасында Министрлар Кабинетының районның социаль-икътисади үсешенә багышланган күчмә утырышы узган.