Т.Ларионова:“Бөтен ил белән берләшсәк кенә, 1 июнь хәйрия проектын тормышка ашыра алырбыз"

“Соңгы елларда 1 июнь – Балаларны халыкара яклау көне хәйрия чаралары үткәрә торган вакытка әйләнде. Бу бигрәк тә Татарстанда Хәйрия елында ачык сизелде”, - дип белдерде бүген “Татмедиа” массакүләм коммуникация агентлыгында узган очрашуда ТР Президентының Социаль мәсьәләләр буенча дәүләт киңәшчесе Татьяна Ларионова.

Эш шунда: быел республиканың Хәйрия эшчәнлеге мәсьәләләре буенча советы, I федераль канал белән берләшеп, 1 нче июньгә зур күләмле проектны тормышка ашырырга планлаштыра. Ђлеге проект чараларын һәм программаларын тормышка ашыру өчен барлыгы 25 млн. сум акча кирәк булачак. Бүгенге очрашуда республиканың Сәламәтлек саклау, Хезмәт, мәшгульлек һәм социаль яклау, Мәгариф һәм фән министрлыклары халыктан җыелган акчаның кайда тотылачагы турында мәгълүмат бирде.

Ђлеге акчалар ятим һәм караучысыз калган, тумыштан инвалид, кичектергесез дәвалауга мохтаҗ, аз керемле гаиләләрдә тәрбияләнүче балаларны аякка бастыру, республиканың балалар белән бәйле дәвалау һәм тернәкләндерү оешмаларын кыйммәтле җиһазлар белән җиһазлау өчен кирәк.

“Без булдырабыз” дигән шигарь белән узучы әлеге проектка зур өметләр баглана. “Теләгебез бик зур. Хәзер иң мөһиме – акча җыю. Ђлеге проектны бары тик бөтен ил белән җыелып, берләшеп кенә гамәлгә кертеп була. Заманча хәйрия технологияләрен һәм булган тәҗрибәне файдаланып, уйлаганны тормышка ашырыйк”, - диде Т. Ларионова.