“Ту–334” самолетының киләчәк язмышы заказларга бәйле, дип саный Виктор Христенко

Бүген министр Виктор Христенко җитәкчелегендәге Россия Сәнәгать һәм сәүдә министрлыгы делегациясе “Горбунов исемендәге Казан авиация җитештерү берләшмәсе” ААЌндә булды. Авиапредприятиенең очыш кырында Виктор Христенко “Ту–334” һәм “Ту–214” авиалайнерларын карады. Чарада ТР Премьер–министры Рөстәм Миңнеханов катнашты.

Самолетлар белән танышканнан соң ТР сәнәгать һәм сәүдә министры журналистлар белән очрашты. “Ту–334” авиалайнерының киләчәге бар”, – диде ул. Ђмма, министр фикеренчә, бу машинаның киләчәге күп яктан заказларга да бәйле. “Ђлеге самолетка ныклы заказлар, килешүләрнең булуы – әлеге модельне җитештерүгә әзерләү өчен кредит ярдәмен оештыруга бәйле мәсьәләләрне хәл итүдә төп ачкыч. Хәзерге вакытта кризиска бәйле рәвештә ныклы заказлар портфелен формалаштыру бер дә җиңел түгел. Бөтен проблема заказларга кайтып кала”, – дип ассызыклады Виктор Христенко.

Журналистларның заказлар белән ярдәм итүгә кагылышлы сорауларына җавап биреп, РФ сәнәгать һәм сәүдә министры, беренче чиратта, әлеге мәсьәләне РФ Сәнәгать һәм сәүдә министрлыгына, хәтта Хөкүмәткә дә түгел, ә турыдан–туры “Горбунов исемендәге Казан авиация җитештерү берләшмәсе” ААЌнә һәм Берләштерелгән авиатөзелеш корпорациясенә формалаштырыга кирәк, дип ассызыклады. “Продукцияне базарда сату – беренче бурыч”, – диде ул.

Предприятие хәзерге вакытта РФ Президенты Аппараты өчен берничә “Ту–214” самолетына заказ үти. “Дәүләт сатып алулары мәсьәләсе күпкә гадирәк, әмма ул берничә данә машина белән үлчәнә. Бу очракта төп мәсьәлә – самолетларны базарга чыгару һәм машиналарга ныклы заказлар алу. Бүген берәүгә дә җиңел түгел, шул исәптән авиатөзелеш тармагына да”, – дип билгеләп үтте ул.

“Самолет алда планлаштырылган барлык характеристикаларга да туры килә, ул сынауны уңышлы узды. Хәзер заказчылар гына табасы кала, машинаның сыйфатын кулланучы бәяләргә тиеш”, – дип сүзен йомгаклады В.Христенко.

“Ту–334” авиалайнеры күп кенә күрсәткечләр буенча үз тиңдәшләреннән өстен тора. Очуның ераклыгы 5 мең чакрымнан артык тәшкил итә, ә өстәмә ягулык бакларын туктаткан очракта 7 мең чакрымга кадәр җитә. Авиалайнер 100гә якын пассажирны сыйдыра, бу исә предприятиегә “Ту–334”нең төрле модификацияләрен (махсус заказ буенча VIP-версияне дә кертеп) чыгаруны җайга салырга мөмкинлек бирәчәк. Мондый класстагы беренче самолетны 2010 елда эшләп чыгару күздә тотыла.