Р.Миңнеханов: “Кулланучылар кооперациясен үстерү буенча максатчан программа кирәк”

Ил күләмендә кулланучылар кооперациясен, инфраструктураны үстерүгә кагылышлы аерым программа кирәк. Бүген Россия кулланучылар җәмгыятьләре вәкилләренең Казанда узучы еллык җыелышында ясаган чыгышында ТР Премьер-министры Рөстәм Миңнеханов шулай дип белдерде. “Корстон” комплексы залында узган чарада РФ Кулланучылар кооперациясе Њзәк берлеге Советы рәисе Евгений Кузнецов, төбәкләрдәге кулланучылар берлекләре җитәкчеләре катнашты.

7 ел шушы тармакта эшләп, тәҗрибә туплаган кеше буларак, Рөстәм Миңнехановка кулланучылар кооперациясе проблемалары яхшы таныш. “Заманында бу тармак базар мөнәсәбәтләре ныклы үсеш алган структура саналды. Шул ук вакытта ул һәрвакыт социаль бурычны үтәде. Бүген кайбер җирләрдә кулланучылар кооперациясенең төп вазифасының нинди икәнен онытып җибәрәләр. Ләкин ничек кенә булмасын, республикада, ил күләмендә кулланучылар кооперациясе системасы саклап калынды. Ләкин дәүләт, муниципалитетлар тарафыннан ярдәм булмый торып, бу тармак алдына куела торган бурычларны чишәргә авыр булачак”, -дип белдерде Премьер-министр. Аның сүзләренә караганда, кулланучылар кооперациясе социаль вазифа үтәп килде һәм ул шулай булачак та. Аннан башка, бигрәк тә авыл кешесенең проблемаларын чишеп булмый. Авыл җирендә сәүдәне оештыру өчен, халыктан җитештерелгән артык продукциясен сатып алу ягыннан да кулланучылар кооперациясенә сорау зур. Хөкүмәт башлыгы фикеренчә, авыл җирләрендә продукция һәм чимал әзерләү системасы һәрвакыт кулланучылар кооперациясе карамагында булды һәм ул шулай булып калырга тиеш. Бу, үз чиратында, авылларда эре шәхси хуҗалыкларны үстерергә ярдәм итәчәк. Ђлегә республикада чимал әзерләү әйләнешенә шәхси хуҗалыкларда җитештерелгән ресурсларның 12 процент чамасы гына җәлеп ителә. Ђ ресурсларның мөмкинлекләре бик зур, дип саный Хөкүмәт башлыгы. Аның ассызыклавынча, бүген кулланучылар кооперациясе башкара торган эшләр күп вакыт икътисади яктан файдалы түгел. Шулай да Татарстан тәҗрибәсе күрсәткәнчә, аның авыл җирендә альтернатив вариантлары юк. “Љлкәне үстерүне лозунглар аша гына хәл итеп булмый. Ил күләмендә кулланучылар кооперациясен үстерүгә кагылышлы максатчан программа кирәк”, - дип саный Рөстәм Миңнеханов. Ул шулай ук кулланучылар кооперациясен дәүләт заказы белән тәэмин итү мәсьәләсен дә күтәрде. Моның өчен сатып алулар системасын оештырырга кирәк. Бу кооперация өчен зур резерв булачак.

Татарстан кулланучылар берлегенә килгәндә, ул бүген Россиядә алдынгылар сафында санала. Премьер аның бүгенге эшчәнлеген 90 еллар башындагы эшчәнлек үрнәгендә оештыррга кирәк дип саный.

Россия Кулланучылар кооперациясе Њзәк берлеге Советы рәисе Евгений Кузнецов җитәкчелегендә Бөтенроссия семинар-киңәшмәсендә катнашучылар иртәгә урыннарга чыгып, Биектау, Саба, Балык Бистәсе кооператорларының эш тәҗрибәсе белән танышачак.