Россия Мәдәният министрлыгы белән Татарстан Хөкүмәте арасында килешү төзелде

27 апрельдә ТР Министрлар Кабинетында, Республика Хөкүмәте Рәисе Рөстәм Миңнеханов белән РФ Мәдәният министры Александр Авдеев, мәдәният өлкәсендә хезмәттәшлек итү турындагы килешүне имзалады. Ул Казанда узган VI Шанхай хезмәттәшлек берлеге утырышы кысаларында төзелде.

Ике арадагы хезмәттәшлеккә корылган килешү нигезендә мәдәният өлкәсендәге мәсьәләләрне хәл итү, гражданнарны мәдәни мираска тарту, якынайту, шулай ук мәдәният учреждениеләреннән файдаланырга мөмкинлек тудыру кебек мәсьәләләр дә бар.

РФ Мәдәният министры дөньякүләм глобализация турында да борчылу белдерде. “Зур тизлек белән барган глобаль процессларның мәдәнияткә зыяны булмагае, шуңа да безгә игътибарлы булу кирәк”, - дип, ул хәзердән үк бу өлкәдәге мөмкинлекләрдән файдаланырга кирәклегенә басым ясады.

Њз чиратында, А.Авдеев мәдәният өлкәсендә дә заманча яңа технологияләрне үзләштерергә кирәклеген белдереп, бүгенге көндә популярлык казанган Интернет челтәренең гражданнарны китаптан аеру ихтималы булуын да әйтеп узды. “Россиядә бүгенге көндә 27-30 процент кеше генә кулына китап алып укый. Интернет начар нәрсә түгел, ләкин мәдәниятнең бер тармагын, китапханәләрне, китапка мәхәббәтне дөньякүләм челтәргә алыштыруга да юл куярга ярамый”, - дип билгеләп үтте ул.

Моннан тыш, ул җәмгыятьнең дәвамчылары — яшьләргә тукталып, нәкъ менә алар белән нәтиҗәле эш алып барырга кирәклегенә басым ясап, яңа талантларны барларга өндәде һәм яшьләргә эчкечелеккә, наркотикларга юлны мәдәни чаралар, сәнгати белем ярдәмендә киртәләргә кирәклеген белдерде.

Шул ук вакытта, РФ Мәдәният министры мәдәният һәм сәнгатьнең һәркемгә аңлаешлы булырга тиешлегенә дә басым ясап, бу өлкәдә эшләүчеләрнең хезмәт хакының аз булуын да билгеләп үтте. Ђйтергә кирәк, Татарстанда музей хезмәткәрләренең хезмәт хакы беркадәр югары, А.Авдеев моңа да басым ясады.

Њзенең чыгышында ул мәдәниятнең нинди генә шартларда да, кешелекне рухландыруда, аның бәхетле итүдә роль уйнарга тиешлеген белдерде һәм Татарстандагы хезмәттәшләренә уңышлар теләде.