Татарстан Президенты һәм Россия ХДФ Баш командующие “Горький исемендәге завод” ААҖ җитештерү цехлары белән танышты

2006 елның 3 мае, чәршәмбе

3 май көнне Татарстан Президенты Минтимер Шәймиев һәм Россия Хәрби-диңгез флотының Баш командующие Владимир Масорин Яшел Үзәндә “Горький исемендәге завод” ААҖнең җитештерү цехлары белән танышты.

Татарстан Президенты һәм Россия ХДФ Баш командующие Казахстанның “Казмортрансфлот” АҖ өчен ике нефть ташый торган танкер төзелешен карады. Быел беренче танкерны ясап җибәрү планлаштырыла. Искәртеп үтәбез, узган атнада “Казмортрансфлот” АҖ өчен 3640 тонна йөк күтәрешле үз йөрешле булмаган 4 баржа җибәрелде. Моннан тыш, мәртәбәле кунакларга Яшел Үзән предприятиесендә җитештерелә торган судно төзелеше продукциясе (ишү винтлары, руль җайланмалары) һәм нефть-газ сәнәгате өчен билгеләнгән җиһазлар күрсәтелде.

Хәзерге вакытта Татарстан Президенты һәм Россия ХДФ Баш командующие республикабыз һәм илнең хәрби-диңгез флоты арасында киләчәк хезмәттәшлек перспективалары турында фикер алыша.

"Татар-информ" мәгълүмат агентлыгы, 3 май 2006 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Минтимер Шәймиев Рус теле көненә багышланган тантанада катнашты

Бүген Казанда М. Җәлил исемендәге Татар дәүләт академия опера һәм балет театрында. Рус теле көненә багышланган тантана узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Рус милли-мәдәни берләшмәсе рәисе, Татарстан Республикасы Иҗтимагый палатасы әгъзасы Ирина Александровская һәм башкалар катнашты.

Минтимер Шәймиев шагыйрь Александр Пушкин һәйкәленә чәчәкләр салуда катнашты

Бүген иртән Казанда бөек рус шагыйре Александр Пушкинның Муса Җәлил исемендәге Татар дәүләт академия опера һәм балет театры янындагы һәйкәленә чәчәкләр салу тантанасы узды.Рус теле көнен бәйрәм итүгә һәм Александр Пушкинның тууына 227 ел тулуга багышланды.

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

ЯҢАЛЫКЛАРГА ЯЗЫЛУ