Минтимер Шәймиев яңадан "Бердәм Россия" партиясенең Югары советы рәисе урынбасары вазифасына сайланган

2005 елның 26 ноябре, шимбә

26 ноябрьдә Красноярскида "Бердәм Россия" Бөтенроссия сәяси партиясенең VI съездында Югары советының яңа составы расланды. Татарстан Президенты Минтимер Шәймиев яңадан Югары совет рәисе урынбасары вазифасына сайланган.

Съездда "бердәм россиялеләр" партиянең Югары Советы бюросын сайлаган. Анда партия лидеры, РФ Дәүләт Думасы Рәисе Борис Грызлов, рәис урынбасарлары - Татарстан Президенты Минтимер Шәймиев, Мәскәү мэры Юрий Лужков, РФ гражданнар оборонасы, гадәттән тыш хәлләр һәм табигать бәла-казаларын бетерү министры Сергей Шойгу кергән. Бюро составына РФ вице-премьеры Александр Жуков һәм РФ авыл хуҗалыгы министры Алексей Гордеев кертелгән.

Борис Грызлов партиянең Югары Советының беренче составы 2001 елның 1 декабрендә сайланганлыгын, бу съездда аның вәкаләтләре тәмамлануын искә төшереп үтте.

Партиянең Югары Советына, аерым алганда, губернаторлар: Борис Громов (Мәскәү өлкәсе), Егор Строев (Орел өлкәсе), Аман Тулеев (Кемерово өлкәсе) һәм Александр Хлопонин (Красноярск крае); Россия Федерациясенең физик культура һәм спорт агентлыгы җитәкчесе Вячеслав Фетисов кергән.

Танылган спортчы Александр Карелин һәм Краснодарски крае губернаторы Александр Ткачев партиядә башка вәкаләткә тәкъдим ителү сәбәпле, партиянең Югары советы составыннан чыккан.

"Татар-информ" МА, 26 ноябрь, 2005 ел.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

Минтимер Шәймиев Дан Мемориалы колоннадасының Мәңгелек утына чәчәкләр салу тантанасында катнашты

Бүген Казанда, Җиңү паркында Дан Мемориалы колоннадасының Мәңгелек утына чәчәкләр салу тантанасы булды. Анда Татарстан Рәисе Рөстәм Миңнеханов, Татарстан Дәүләт Киңәшчесе, Россия Хезмәт Герое Минтимер Шәймиев, Татарстан Премьер-министры Алексей Песошин, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин катнашты.

май, 2026 ел

Минтимер Шәймиев Бөек Ватан сугышында Җиңүнең 81 еллыгына багышланган тантанада катнашты

Бүген Муса Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 81 еллыгына багышланган тантана узды. Анда Татарстан Рәисе Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советының мактаулы рәисе Фәрит Мөхәммәтшин, Хакимият ТР Рәисе Администрациясе җитәкчесе Әсгать Сәфәров, Татарстан Премьер-министры Алексей Песошин һәм башкалар катнашты.

апрель, 2026 ел

Минтимер Шәймиев Туган тел көненә һәм бөек татар шагыйре Габдулла Тукайның тууына 140 ел тулуга багышланган тантанага катнашты

Бүген Казанда, Г.Камал исемендәге театрның яңа бинасында Туган тел көненә һәм бөек татар шагыйре Габдулла Тукайның тууына 140 ел тулуга багышланган тантана узды. Анда Татарстан Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, ТР Дәүләт Советы Рәисе вазыйфаларын башкаручы Марат Әхмәтов, ТР Дәүләт Советының Мактаулы рәисе Фәрит Мөхәммәтшин катнашты.

ЯҢАЛЫКЛАРГА ЯЗЫЛУ