Минтимер Шәймиев Казан артиллерия училищесының яңа җитәкчесе белән очрашты

2006 елның 29 августы, сишәмбе

Бүген Казан Кремлендә Татарстан Республикасы Президенты Минтимер Шәймиев вазифасына билгеләнү уңаеннан Казан югары артиллерия команда училищесы җитәкчесе, полковник Сергей Михайловны кабул итте, дип хәбәр итә ТР Президенты матбугат хезмәте.

Сергей Михайлов Үзбәкстан ССРның Термез шәһәрендә туган, Сумы югары артиллерия команда училищесын, М.И.Калинин исемендәге Хәрби артиллерия академиясенең команда факультетын тәмамлаган. Үзәк гаскәрләр төркемендә, Кавказ аръягы хәрби округында, Мәскәү хәрби округында хезмәт иткән. III дәрәҗәдәге "СССР һава көчләрендә Ватанга хезмәт иткән өчен", "Хәрби казанышлары өчен" орденнары, дүрт медаль белән бүләкләнгән.

Казан югары артиллерия команда училищесының яңа җитәкчесе Минтимер Шәймиевкә институттагы эшләр торышы турында сөйләде. Быел беренче курска кабул ителгән 247 курсантның 120се - Татарстан Республикасыннан. 60ка якын кеше якын һәм ерак чит илдән килгән.

Татарстан Республикасы Президенты профессорлар һәм укытучыларның эш шартлары, училищеның башка уку йортлары белән хезмәттәшлеге, планнар һәм проблемалар хакында кызыксынды һәм яңа җитәкчегә дистә еллар дәвамында яшәп килгән күркәм традицияләрне саклау һәм үстерүне теләде.

"Татар-информ" МА, 29 август, 2006 ел.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ