Владимир Путин: "Казан метросы өчен Мәскәү һәм Петербург та эшләде"

2005 елның 27 августы, шимбә

27 августта Россия Президенты Владимир Путин, Татарстан Президенты Минтимер Шәймиев, Казакъстан Президенты Нурсолтан Назарбаев Казан метрополитенын карады һәм җир асты поездында "Кремль" станциясеннән "Әмәт"кә кадәр бардылар. Дәүләт башлыгы белән метрога ТР Президенты Минтимер Шәймиев һәм Казан хакимияте башлыгы Камил Исхаков та төште.

Метрополитенын "Кремль" станциясеннән карый башладылар. Россия Президенты метрополитен кассасыннан карточка сатып алып, турникет аша платформага узды, аны анда Россиянең транспорт министры Игорь Левитин һәм Россиянең эчке эшләр министры Рәшит Нургалиев каршы алды. Делегация метрода "Кремль" станциясеннән "Тукай мәйданына", аннары "Әмәт"кә китте, Россия Президенты анда метро төзүчеләр белән аралашты. Гомумән алганда, Россия дәүләт башлыгы метрода йөрүдән канәгать калды. Ул журналистлар белән тәэсирләрен уртаклашканда, Казан метросы өчен Мәскәү һәм Петербург та эшләвен ассызыклады. Метрода Казан мэры Камил Исхаков һәм РФ субъектлары башлыклары да йөрде.

"Татар-информ" мәгълүмат агентлыгы, 27 август 2005 ел

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Минтимер Шәймиев Рус теле көненә багышланган тантанада катнашты

Бүген Казанда М. Җәлил исемендәге Татар дәүләт академия опера һәм балет театрында. Рус теле көненә багышланган тантана узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Рус милли-мәдәни берләшмәсе рәисе, Татарстан Республикасы Иҗтимагый палатасы әгъзасы Ирина Александровская һәм башкалар катнашты.

Минтимер Шәймиев шагыйрь Александр Пушкин һәйкәленә чәчәкләр салуда катнашты

Бүген иртән Казанда бөек рус шагыйре Александр Пушкинның Муса Җәлил исемендәге Татар дәүләт академия опера һәм балет театры янындагы һәйкәленә чәчәкләр салу тантанасы узды.Рус теле көнен бәйрәм итүгә һәм Александр Пушкинның тууына 227 ел тулуга багышланды.

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

ЯҢАЛЫКЛАРГА ЯЗЫЛУ