Татарстан Президенты "2007 елга Татарстан Республикасы бюджеты турында"гы Законга кул куйды

2006 елның 30 ноябре, пәнҗешәмбе
Татарстан Республикасы Президентының матбугат хезмәте хәбәр итүенчә, бүген Татарстан Республикасы Президенты М.Ш.Шәймиев "2007 елга Татарстан Республикасы бюджеты турында"гы Татарстан Республикасы Законына кул куйды.

Закон нигезендә Татарстан Республикасының 2007 елга бюджеты керемнәр буенча 55 805 018,5 мең сумны һәм чыгымнар буенча 58 619 208,3 мең сумны тәшкил итә.

Закон тексты рәсми рәвештә гаммәви мәгълүмат чараларында басылып чыгачак.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International