Фәрит Мөхәммәтшин ИФО Закон чыгаручылар ассоциациясенең XIX утырышында катнашты

27 февральдә ТР Дәүләт Советы Рәисе Фәрит Мөхәммәтшин Пензада Идел буе федераль округы субъектлары дәүләт хакимиятенең Закон чыгару (вәкиллекле) органнары җитәкчеләре ассоциациясенең XIX утырышында катнашты.

Ассоциация утырышының көн тәртибенә РФ дәүләт хакимияте органнары һәм аның субъектлары тарафыннан күрелүче кризиска каршы чаралар турындагы мәсьәлә кертелгән иде. Љлкә Хөкүмәте бинасында узган утырышта РФ Президентының Идел буе федераль округындагы тулы вәкаләтле вәкиле Григорий Рапота, РФ Федерация Советы әгъзалары, РФ Дәүләт Думасы депутатлары катнашты.

РФ Президентының Идел буе федераль округындагы тулы вәкаләтле вәкиле урынбасары Алексей Куприн дөньядагы финанс кризисының тискәре нәтиҗәләрен киметү һәм әлеге эшчәнлекне закон белән тәэмин итү буенча бурычлар турында доклад белән чыгыш ясады. Сәнәгать предприятиеләренең торышын анализлау Идел буе федераль округының кайбер төбәкләрендә җитештерү күләмнәренең 40 процентка кимүен күрсәтә, автомобиль төзелеше тармагында, дәүләт оборона заказын үтәүче предприятиеләрдә дә проблемалар бар. Шуңа да карамастан, округның төбәк хакимиятләре үз өсләренә алган барлык социаль йөкләмәләрне 100 процентка үти. Бүгенге көндә төп бурыч – икътисадның реаль секторына ярдәм күрсәтү. Ђлеге уңайдан бюджетка кагылышлы законнар һәм банк системасының норматив–хокукый документларына төзәтмәләр кертергә кирәк, дип саный Идел буе федераль округы тулы вәкаләтле вәкиле урынбасары.

Фәрит Мөхәммәтшин Татарстандагы вәзгыятьне оптимальләштерү максатыннан күрелүче кризиска каршы кайбер чараларны билгеләде. ТР Президенты Минтимер Шәймиев һәм ТР Хөкүмәте каршындагы Икътисади совет җитәкчелегендәге дөньядагы финанс кризисы шартларында ТР икътисады үсешен тәэмин итү буенча Республика комиссиясенең башкарган эше билгеләп үтелде.

Татарстан парламенты башлыгы фикеренчә, салым түләүчеләрнең билгеле бер категорияләренә салымны киметү дәүләт ярдәменең нәтиҗәле чарасы булырга мөмкин. Ни өчен дигәндә, икътисади кризисның яңа дулкыны бурычларның артуына китерәчәк, һәм бу вәзгыятьтә кулланучыларны яклау механизмнары кирәклеге көн кебек ачык.

Фәрит Мөхәммәтшин хезмәт базарын тотрыклыландыру, халыкны эш белән тәэмин итү буенча алда торган бурычларга да тукталды. ТР Дәүләт Советы Рәисе фикеренчә, торак йортлар һәм юллар төзү, эре инфраструктура проектларын гамәлгә ашыру икътисадтагы кризис күренешләрен җиңүдә универсаль корал булып тора, чөнки алар яңа эш урыннары булдыра. Татарстанда төзелештә ирешелгән темпларны киметмәү һәм бернинди кыенлыкларга да карамастан, социаль ипотека программасын гамәлгә ашыруны дәвам итү турында карар кабул ителде. Ђ Республикада гамәлгә ашырылучы торак йортларны капиталь ремонтлау программасыннан Татарстанда кризиска каршы гына түгел, бәлки зур социаль нәтиҗә көтәләр, чөнки ул 25 меңгә якын кешене эш белән тәэмин итәргә мөмкинлек бирәчәк.

Фәрит Мөхәммәтшин Идел буе федераль округы закон чыгаручыларының игътибарын янә төбәкләрдә федераль структураларның санын кыскарту кирәклегенә юнәлтте. Мисал өчен, Татарстанда гына да республика ведомстволары эшчәнлеген кабатлаучы федераль ведомстволарның дистәләгән территориаль органы эшләп килә. “Төбәк дәрәҗәсендә күрелгән чаралар кризисның нәтиҗәләрен берникадәр киметергә мөмкинлек бирәчәк. Шуның белән бергә, федераль бюджет ярдәменнән башка халык алдындагы барлык социаль йөкләмәләрне үтәү мәсьәләсе бөтен кискенлеге белән алга килеп басачак”, – дип йомгаклады үзенең чыгышын Фәрит Мөхәммәтшин.