Дмитрий Козак "ТР Электрон Хөкүмәте" программасын гамәлгә ашыру барышы белән танышты

25 февраль көнне ТР Министрлар Кабинетында Россия Федерациясе Хөкүмәте Рәисе урынбасары Дмитрий Козак "ТР Электрон Хөкүмәте" программасын гамәлгә ашыру барышы белән танышты.

Тәкъдир итүдә Татарстан республикасы Президенты Минтимер Шәймиев, Татарстан Республикасы Премьер-министры Рөстәм Миңнеханов, "Торак-коммуналь хуҗалыкны реформалаштыруга ярдәм итү фонды" дәүләт корпорациясе рәисе - генераль директоры Константин Цицин, Россия Федерациясенең төбәкләр үсеше министры урынбасары Сергей Круглик катнашты.

"ТР Электрон Хөкүмәте" программасының соңгы төзәтмәләрен ТР Мәгълүмати технологияләр үзәгенең генераль директоры Николай Никифоров тәкъдим итте. Аның сүзләренчә, "ТР Электрон Хөкүмәте" системасына 3000нән артык оешма һәм 954 муниципаль районның 900е тоташкан. Электрон документ әйләнешен кулланылышка кертү дәүләт хезмәткәрләренең ИТ-технологияләргә мөнәсәбәтен үзгәртте. Хәзерге вакытта Татарстанның 6000нән артык дәүләт хезмәткәре үз эшчәнлекләрендә электрон документ әйләнеше һәм электрон имза куллана.

Дмитрий Козакка ТР Премьер-министры һәм ТР Хөкүмәтенең бөтен министрлары куллана торган "мобиль офис" мөмкинлекләрен тәкъдим ителде. Якын арада "мобиль офис"лар мәгълүмати-аналитик системаның сынау версиясе белән җиһазланачак, анда Татарстанның икътисад, сәнәгать һәм социаль өлкәсе мәгълүматлары урын алачак. Шулай итеп, иң актуаль мәгълүмат белән оператив рәвештә танышып булачак.

Хәзерге вакытта Татарстанда яңа ИТ-технологияләр кулланып, халык дәүләт хезмәтләре белән читтән торып файдалана алачак. Моның нәтиҗәсендә, шәһәрлеләр дәүләт органнарына йөрү мәшәкатьләреннән котыла, ә мәгълүмат алу, чиратка язылу, дәүләт пошлиналарын, штраф һәм башка түләүләрне, документ бланкларын алу кебек гади процедуралар Интернет аша эшли ала.

Хокукларның бердәм дәүләт реестрыннан, дәүләт күчемсез милек кадастрыннан квитанция алу, чит ил һәм Россия Федерациясе гражданины паспортын рәсмиләштерүгә гариза алу, төрле пошлина һәм штрафлар түләү белән бәйле хезмәтләргә, хәтта никахны теркәргә дә электрон рәвештә язылып булачак.

Шулай ук ТР Хөкүмәте вице-премьерына М7 федераль трассасында юл-транспорт һәлакәтендә зыян күрүчеләрне коткару координациясе системасы тәкъдим ителде, аны Татарстан территориясендә агымдагы ел уртасында кертү планлаштырылган. Система спутник навигациясе чараларын файдалана.

Рөстәм Миңнеханов Татарстанда бөтен мәктәп автобуслары һәм шәһәр яны автобуслары спутник навигациясе чаралары белән җиһазланган, дип билгеләп үтте. Бу автобус йөртүчеләр тарафыннан тизлек арттыру очракларын киметергә мөмкинлек бирде. Хәзер спутник навигациясе чаралары белән дәүләт автомобильләре җиһазланачак.

"ТР Электрон Хөкүмәте" программасының төп максаты - социаль өлкәдә, тормыш куркынычсызлыгын тәэмин итү өлкәсендә, шулай ук көндәлек тормышта һәм башка өлкәләрдә мәгълүмати-коммуникация технологияләрен киң кулланып, Татарстан Республикасы халкының тормыш сыйфатын арттыру.