Татарстан делегациясе Харбинга юл алды

2009 елның 17 феврале, сишәмбе
Премьер-министр Рөстәм Миңнеханов җитәкчелегендәге Татарстан делегациясе бүген Кытайның Харбин шәһәренә юл алды. Республика делегациясе анда Бөтендөнья кышкы универсиадасы ачылышында катнашачак, дип хәбәр итә ТР Министрлар Кабинетының матбугат хезмәте.

Делегация составында шулай ук Казан мэры Илсур Метшин, ТР Яшьләр эшләре, спорт һәм туризм министрлыгы, шәһәр хакимияте вәкилләре, 2013 елгы Казан Универсиадасын оештыру комитеты әгъзалары бар. Россия Студентлар спорты берлеге президенты Олег Матыцин белән ТР яшьләр эшләре, спорт һәм туризм министры Марар Бариев Харбинга моннан берничә көн элек үк киткәннәр иде.

Харбин универсиадасында Татарстаннан өч дистәдән артык яшь спортчы катнашачак. Алар көчләрен 3 төрдә – тимераякта тиз йөгерү, хоккей һәм тимераякта синхрон шууда сынаячак. 2009 ел Универсиадасында барлыгы 44 илдән 3800 дән артык студент катнашачак. Иң зур делегация Универсиада хуҗасы – Кытайда. Аның командасы 359 спортчы студентны берләштерә.

МА "Татар-информ", 2009 елның 17 феврале
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International