ТДГПУ ректоры Рәдиф Җамалетдиновка алтын "Шәфкатьлелек" медале тапшырылды

2009 елның 19 марты, пәнҗешәмбе

18 мартта Татар дәүләт гуманитар-педагогика университетының Гыйльми советы утырышында ректор, профессор Рәдиф Җамалетдиновка тантаналы шартларда ЮНЕСКОның халыкара бүләге - алтын "Шәфкатьлелек" медале тапшырылды. Медальне иясенә тарих фәннәре докторы, профессор, Казан дәүләт финанс-икътисад институтының тарих, политология һәм хокук каферасы җитәкчесе, халыкара "Европа-Азия" академия президенты Энгель Таһиров җиткерде.

Университеттан алынган мәгълүматларга караганда, Энгель Таһиров бу югары бүләккә Иран һәм Төркия президентлары, Санкт-Петербург исемендәге дәүләт университеты ректоры һәм Мәскәү дәүләт халыкара мөнәсәбәтләр институты ректоры лаек булганлыгын хәбәр иткән.

Россия һәм ЮНЕСКОның 60 еллык партнерлыгына багышланган конкурс нәтиҗәләре буенча ТДГПУ коллективы Җиңүче дипломы белән бүләкләнгән. "Әлеге зур бүләк фәнни, рухи һәм мәдәни үсеш өлкәсендә эшчәнлек өчен бирелә", - диде Э.Таһиров. Ректор Рәдиф Җамалетдинов үз чиратында Энгель Таһировка университет коллективы эшчәнлеген югары бәяләгәне өчен рәхмәт белдерде.

МА "Татар-информ", 2009 елның 18 марты

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Минтимер Шәймиев Рус теле көненә багышланган тантанада катнашты

Бүген Казанда М. Җәлил исемендәге Татар дәүләт академия опера һәм балет театрында. Рус теле көненә багышланган тантана узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Рус милли-мәдәни берләшмәсе рәисе, Татарстан Республикасы Иҗтимагый палатасы әгъзасы Ирина Александровская һәм башкалар катнашты.

Минтимер Шәймиев шагыйрь Александр Пушкин һәйкәленә чәчәкләр салуда катнашты

Бүген иртән Казанда бөек рус шагыйре Александр Пушкинның Муса Җәлил исемендәге Татар дәүләт академия опера һәм балет театры янындагы һәйкәленә чәчәкләр салу тантанасы узды.Рус теле көнен бәйрәм итүгә һәм Александр Пушкинның тууына 227 ел тулуга багышланды.

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

ЯҢАЛЫКЛАРГА ЯЗЫЛУ