Семен Якупов Төркмәнстан президенты белән “Ефәк юлы” раллие хакында фикер алышты

Төркмәнстан президенты Гурбангулы Бердымөхәммәтов һәм “КАМАЗ–Мастер” командасы җитәкчесе Семен Якупов “Ефәк юлы” автораллиена әзерлек мәсьәләләре хакында фикер алышты. Бу хакта “КАМАЗ”ның матбугат хезмәте хәбәр итә.

Очрашу барышында Төркмәнстан башлыгы автозавод командасын һәм аның капитанын Көньяк Америкада беренче тапкыр узган “Дакар–2009” ралли–рейдында җиңүе белән котлады.

Алдарак хәбәр ителгәнчә, хәзерге вакытта команда җитәкчелеге яңа “Ефәк юлы” ралли–рейды маршрутын әзерләү белән шөгыльләнә. Бу процесс берничә сюрприз китерде инде. Аерым алганда, команда җитәкчелеге Чаллыны маршруттан төшереп калдырды. Бу хакта ярышларның башкарма директоры Сергей Гиря хәбәр итте.

“Трассаны ничек дәвам итү хакындагы мәсьәләне “КАМАЗ”ның генераль директоры Сергей Когогин белән инде берничә мәртәбә тикшердек, – диде Гиря. – Ђмма безнең алда шундый мәсьәлә тора – “КАМАЗ–Мастер”ның ярышларның оештыручысы булуы һәм әлеге узышларның потенциалын үз имиджын күтәрү өчен аңа трасса үткәрүе турындагы барлык мәсьәләләрне көн кадагыннан төшереп калдырырга кирәк”. “Ефәк юлы” ралли–рейдын оештыру комитеты рәисе һәм “КАМАЗ–Мастер” командасының алыштыргысыз җитәкчесе Семен Якупов кабул ителгән карарны дөрес дип саный.

Трассаның гомуми озынлыгы 4500 чакрым тәшкил итәчәк. 8 этапның гомуми озынлыгы 282–716 чакрым тәшкил итә, трассаның маршруты Россия (Казан – Чистай – Тоцк), Казакъстан (Каратүбә – Бейнеу – Яңа Њзән) һәм Төркмәнстан (Төркмәнбашы – Балканабад – Дәрваза – Ашхабад) аша уза. “Ефәк юлы” 5 сентябрьдә башланып, 13 сентябрьдә төгәлләнәчәк, дип хәбәр итә “Росбалт”.