"ТАНЕКО" төзелеше тиз бара

2009 елның 18 марты, чәршәмбе

Түбән Камада февральдә нефть эшкәртү һәм нефть химиясе комплексының төзелеш мәйданында 1,4 миллиард сумлык монтажлау эшләре башкарылган. "ТАНЕКО" ААҖ матбугат хезмәте хәбәр иткәнчә, "Татнефть" ААҖ (координатор һәм проект инвесторы), "ТАНЕКО" (заказчы), Татарстан Хөкүмәте катнашындагы һәм теләктәшлегендәге генераль подрядчыларның төгәл планы һәм җайга салынган эше нәтиҗәсендә, төзелеш башланганнан бирле беренче тапкыр мондый зур нәтиҗәләргә ирешелгән. Мартта 1,6 миллиард сум үзләштерү планлаштырылган.

Бүген төзелештә Нефтегазинжиниринг" ҖЧҖ, "ПСО Казань" ҖЧҖ, "ЭИТЭК" ҖЧҖ, "ИНВЭНТ" ҖЧҖ, "Главнефтегазстройсервис" ҖЧҖ, "Эскорт" ҖЧҖ кебек зур компанияләре эшли. Көн саен төзелеш мәйданында 50 миллион сумнан артык акча үзләштерелә. Биредә 600дән артык техника эшли, 5 меңгә якын кеше хезмәт куя. Мәйданда эшләүчеләрнең гомуми санының 90 процентка якынын Татарстан төзүчеләре тәшкил итә.

"Барысы да шома бара, без графиктан алда эшлибез", - дип белдерә матбугат хезмәте "Татнефть" компаниясенең генераль директоры Шәфәгать Тәхаутдиновның күптән түгел "ТАНЕКО"да булып киткән РФ энергетика министры урынбасары Сергей Кудряшовка әйткән сүзләрен.

МА "Татар-информ", 2009 елның 18 марты

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Минтимер Шәймиев Рус теле көненә багышланган тантанада катнашты

Бүген Казанда М. Җәлил исемендәге Татар дәүләт академия опера һәм балет театрында. Рус теле көненә багышланган тантана узды. Анда Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе вазыйфаларын башкаручы Марат Әхмәтов, Татарстан Республикасы Дәүләт Советының Мактаулы рәисе Фәрит Мөхәммәтшин, Татарстан Республикасы Премьер-министры Алексей Песошин, Татарстан Республикасы Рус милли-мәдәни берләшмәсе рәисе, Татарстан Республикасы Иҗтимагый палатасы әгъзасы Ирина Александровская һәм башкалар катнашты.

Минтимер Шәймиев шагыйрь Александр Пушкин һәйкәленә чәчәкләр салуда катнашты

Бүген иртән Казанда бөек рус шагыйре Александр Пушкинның Муса Җәлил исемендәге Татар дәүләт академия опера һәм балет театры янындагы һәйкәленә чәчәкләр салу тантанасы узды.Рус теле көнен бәйрәм итүгә һәм Александр Пушкинның тууына 227 ел тулуга багышланды.

май, 2026 ел

Минтимер Шәймиев «Казан – ислам дөньясының мәдәни башкаласы» елын ачу тантанасында һәм «Россия – Ислам дөньясы: КазанФорум» XVII халыкара форумында мактаулы кунак булды

Бүген «Казан Экспо» ХКҮдә «Казан – ислам дөньясының мәдәни башкаласы» елын ачу һәм «Россия – Ислам дөньясы: КазанФорум - 2026»XVII халыкара икътисадый форумын уздыру уңаеннан тантаналы кабул итү узды.

май, 2026 ел

Минтимер Шәймиев Бөек Ватан сугышында Җиңүнең 81 еллыгы уңаеннан Казан гарнизоны гаскәрләренең узуы тантанасында булды

Бүген Татарстан Республикасы Рәисе Рөстәм Миңнеханов 1941-1945 еллардагы Бөек Ватан сугышында Җиңүнең 81 еллыгын бәйрәм итү уңаеннан Казан гарнизоны гаскәрләренең һәм махсус бүлекчәләрнең тантаналы узуында катнашты. Чарада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин, ТР Дәүләт Советының Мактаулы Рәисе Фәрит Мөхәммәтшин, Казан мэры Илсур Метшин һәм башка рәсми затлар катнашты. Трибуналарда сугыш ветераннары, тыл хезмәтчәннәре, хәрбиләр, махсус хәрби операциядә катнашучылар һәм ветераннар, иҗтимагый оешмалар, волонтерлык хәрәкәтләре вәкилләре, дәүләт хакимияте органнары вәкилләре урын алды. .

ЯҢАЛЫКЛАРГА ЯЗЫЛУ