Мәскәүдә Татарстан Эчке эшләр министрлыгы эшенә югары бәя бирелде

2009 елның 9 феврале, дүшәмбе
2009 елның 6 февралендә Мәскәүдә Россия Федерациясе эчке эшләр министры армия генералы Рәшит Нургалиев рәислегендә Россия Эчке эшләр министрлыгы коллегиясенең киңәйтелгән утырышы булды. Коллегия эшендә Россия Федерациясе Президенты Дмитрий Медведев катнашты.

Коллегиядә Татарстан Эчке эшләр министрлыгының оператив–хезмәт эшчәнлегенә югары бәя бирелде, шулай ук Татарстан Республикасы буенча эчке эшләр министры Ђсгать Сәфәров III дәрәҗә “Идарә эшендәге хезмәтләре өчен” медале белән бүләкләнде, дип хәбәр итә ТР Эчке эшләр министрлыгының матбугат хезмәте.

Моннан тыш, 2008 елда спортның хезмәт–гамәли төрләре буенча Россия Эчке эшләр министрлыгы Спартакиадасы барышында спортта ирешкән югары нәтиҗәләре өчен Татарстан Республикасы буенча Эчке эшләр министрлыгына Мактау грамотасы һәм Россия Федерациясе субъектлары буенча Эчке эшләр министрлыклары, Эчке эшләр идарәләре арасында икенче урынны алган өчен Кубок тапшырылды. Спартакиадада Россия Федерациясенең 83 субъектыннан вәкилләр катнашты.

МА "Татар-информ", 2009 елның 9 феврале
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International