Казанда “Арт-галерея. Казан-2009” дип исемләнгән күргәзмә-ярминкә ачылды

6 февраль көнне башкаланың “Казан ярминкәсе” ААЌендә “Арт-галерея. Казан-2009” дип исемләнгән проект старт алды. Аның ачылышында ТР Мәдәният министрының беренче урынбасары Айдар Гайнетдинов, Казан шәһәре мәдәният идарәсе башлыгы Динара Камалиева, ТР Рәссамнар берлеге әгъзасы, рәссам Илгизәр Хәсәнов, республиканың кулланма сәнгать һәм һөнәрчеләр берлеге рәисе Нури Мостафаев һәм “Казан ярминкәсе” ААЌе генераль директоры Лев Семенов катнашты.

Киң җәмәгатьчелекне заманча сәнгать эшләнмәләренә һәм гамәли сәнгатькә якынайту, шулай ук республиканың сәнгать осталарына булышлык итү, аларның эшләрен халыкка таныту, яшь рәссамнар арасында яңа исемнәр ачу — әлеге проектның төп максаты. Тантананың ачылышында А.Гайнетдинов шуңа басым ясап, әлеге проектның күптән көтелгән булуын ассызыклады. “Ђлеге арт-галерея инде күптән хыялда йөргән арт-парк оештыруда бер адым булыр”, - дип билгеләп үтте ул. Галерея ачылышына килүчеләргә сәламләү сүзләрен шулай ук Д.Камалиева да ирештерде. Њз чиратында, ул күргәзмә-ярминкә башкаланың һәм республиканың бай сәнгатен чагылдыруда, аны киң җәмәгатьчелеккә танытуда булышлык итәр дигән теләктә калды.

“Арт-галерея. Казан-2009” күргәзмә-ярминкәнең географиясе киң. Анда Россиянең Дзержински, Екатеринбург, Санкт-Петербург, Тула, Тольятти, Соликамски шәһәрләреннән, шулай ук Киров, Пермь, Самара өлкәләреннән, Казаннан, Түбән Камадан, Яр Чаллыдан да сәнгать осталары үзләренең иҗат җимешләрен алып килгән иде. Экспозициядә профессиональ рәссамнар, белән бергә, иҗат берлекләрендә исәпләнүче авторлар эшләре дә урын алган.

Күргәзмә-ярминкә кызыклы эшләр белән танышу мөмкинлеге генә биреп калмый. 12 февральгә кадәр анда төрле остаханәләр дә эшләячәк. Гамәли сәнгать белән кызыксынучылар күннән, агачтан, тукымадан уенчыклар, сувенирлар ясау серләрен үзләштерә ала.

“Арт-галерея. Казан-2009” күргәзмә-ярминкәсе 6-11 февраль көннәрендә сәгать 11.00дән 19.00гә кадәр, 12се көнне 11.00дән 15.00 сәгатькә кадәр эшли.