Казан вертолет заводы «Аэро Џиндстан -2009» күргәзмәсендә катнаша

11–15 февральдә Бангалорда (Џиндстан) «Аэро Џиндстан -2009» Халыкара авиация-космос күргәзмәсе үтәчәк. Күргәзмәдә “Казан вертолет заводы” ААЌ вәкилләре катнашачак. Бу хакта бүген предприятиедә хәбәр иттеләр.

Маркетинг бүлеге белгечләре сүзләренчә, “Казан вертолет заводы” ААЌ “Россия вертолетлары” ААЌ бердәм стенды составында катнашачак. Күргәзмәдә казанлылар МИ-17 һәм «Ансат» вертолетлары модельләрен тәкъдим итәчәк.

Џиндстан Татарстан вертолетларын даими сатып алучы. Бу илнең урта класслы вертолетларының күбесен “Казан вертолет заводы” ААЌ продукциясе тәшкил итә. Вертолетлар армиядә, пассажирларны һәм VIP-клиентларны йөртү, коткару эшләре алып бару өчен кулланыла.

Казан вертолет заводының Џиндстан белән хезмәттәшлеге берничә дистә ел дәвам итә, дип хәбәр иттеләр КВЗда. Џиндстанга күргәзмәгә 3–4 кешедән торган делегация, шул исәптә завод җитәкчелеге вәкилләре һәм маркетинг буенча менеджерлар җибәрү планлаштырыла.

Россия авиация-космос порталы хәбәр иткәнчә, күргәзмәне Оборона министрлыгы һәм Џиндстан Республикасы Хөкүмәте, Џиндстан сәнәгате конфедерациясе оештыра. «Аэро Џиндстан - 2009» Халыкара авиация-космос күргәзмәсе җиденче тапкыр үткәрелә һәм дөньяда авиация-космос өлкәсендә уңышларны тәкъдим итү буенча иң дәрәҗәлесе булып тора. Күргәзмәнең төп тематик юнәлешләре авиация; хәрби техника һәм кораллану; самолет төзелеше һәм гражданнар авиациясе өчен җиһазлар.

Россия экспозициясен «Ростехнологияләр» Дәүләт корпорациясе оештыра. Күргәзмәдә катнашучылар арасында «Сухо» компаниясе» ААЌ, «РСК «МиГ» ААЌ, «Ил» ААЌ, «Иркут» корпорациясе» ААЌ, «Сокол» Түбән Новгород авиатөзелеш заводы» ААЌ, «Россия вертолетлары» ААЌ, «Мәскәү вертолет заводы» ААЌ, «В.В.Чернышев исемендәге Мәскәү машина төзелеше предприятиесе» ААЌ һ.б. кебек Россиянең авиатөзелеш тармагы предприятиеләре бар.

Күргәзмәдә Россия экспозициясе Россия һәм Џиндстанның хәрби-техник хезмәттәшлеген үстерүнең перспективалы юнәлешләреннән чыгып формалаштыралар. «Аэро Џиндстан -2009»да барлыгы хәрби продукциянең 140 тан артык экспонат, шул ук исәптә 13 натура үрнәкләре, кораллар һәм хәрби техниканың 90га якын модель һәм макетларын тәкъдим итү планлаштырыла.

Күргәзмәдә Россиядән тыш, Џиндстан, АКШ, Малайзия, Франция, Германия, Бөекбритания, Израиль дә киң масштаблы экспозиция тәкъдим итәчәк. Шулай ук Кытай, Сингапур, Италия экспозицияләре дә игътибарга лаек.

Хәрби-техник хезмәттәшлек буенча Федераль хезмәт «Аэро Џиндстан-2009» Халыкара авиация-космос күргәзмәсенә Россиянең чит ил партнерлары һәм барыннан да элек Џинд - Тын океан төбәге илләре белән хезмәттәшлек һәм эшлекле элемтәне үстерү һәм ныгытуның мөһим этабы буларак карый.