Р.Миңнеханов: "Республикада кулланучылар кооперациясенә мөнәсәбәтне үзгәртергә кирәк"

Соңгы 5 елда Татарстан авылларындагы кулланучылар җәмгыятьләренә караган 500 дән артык кибет үзенең төп социаль функциясен башкаруны туктаткан, яки башка шәхси кулларга бирелгән. Хәзерге вакытта республикадагы 700 ләп авылда сәүдә ноктасы бөтенләй юк. Ђлеге мәгълүматны бүген Татарстан Кулланучылар берлегенең ел йомгакларына багышланган утырышанда ТР Премьер-министры Рөстәм Миңнеханов яңгыратты.

Њзе дә кайчандыр райпо җитәкчесе булып эшләгән кеше буларак ул үз чыгышында бу проблеманың тирәнлеген ачып бирде. Аның сүзләренә караганда, заманында районнардагы кулланучылар җәмгыятьләре җитәкчеләренең кулында ресурслары да җитәрлек, абруе да зур булган. Элек сәүдә нокталары пайчылар акчасына төзелгән. Бүген башка вәзгыять. “Шулай да кеше факторы анда төп рольне уйнавын дәвам итә. Райпо җитәкчесе эшлекле кеше булырга тиеш. Тик ул нинди генә актив булмасын, район җитәкчелеге тарафыннан эшне оештыруда ярдәм булмаганда, берни эшли алмаячак. Бүген республикада кулланучлар кооперациясенә карашны үзгәртергә кирәк”, - дип белдерде Хөкүмәт башлыгы. Аның сүзләренә караганда, халыкка сәүдә һ.б. хезмәт күрсәтүче эшмәкәрләр иң беренче нәүбәттә үзләренә файда алу мәнфәгатеннән чыгып эш йөртә. Ђ авыл халкын беренчел кирәкле әйберләр белән тәэмин итүне кулланучылар җәмгыятьләре генә оештыра ала.

Продукция һәм чимал әзерләүгә килгәндә, Рөстәм Миңнеханов белдергәнчә, халыктан җитештерелгән продукцияне сатып алуны оештыру өчен, урыннарда эшкәртүне дә оештыра белергә кирәк. Моның өчен сатып алулар системасын оештырырга кирәк. Шулай итеп кенә бу өлкәдә күрсәткечне арттырып булачак. Ул монда электрон сәүдә мәйданын актив кулланырга чакырды.