"Чистай" сәгатьләре армиягә китә

2009 елның 4 феврале, чәршәмбе
Россия хәрбиләре тиз­дән дүрт төрле механик кул сәгатьләренә ия булачак.

Хәзерге вакытта Россия Федерациясе Хәрби көч­ләрендә, сержанттан башлап, барлык дәрәҗәдәге командирларны армия сәгатьләре белән тәэмин итү мәсьәләсе карала. Сәгатьләрнең тәҗ­рибә үрнәкләре булдырылып, аларга гаскәри сынаулар да уздырылган инде.

"Армия" сәгатьләре авторы "Восток-дизайн" махсус сәгатьләр фабрикасы булса, аларны җитештерү белән ике сәгать заводы: Чистайның "Восток" һәм Мәскәүнең "Мактайм" заводлары шөгыльләнә. Сә­гатьләрнең 2010-2011 елларда Кораллы көчләргә җибәрелүе күздә тотыла.

Аларны "иҗат иткәндә" күп кенә факторлар исәпкә алынган. Беренчедән, армия сәгатьләре, әллә кайдан ук ялтырап, хәрби хезмәткәрне сугыш кырында дошманга белгертмәскә тиеш. Икен­чедән, аларның механик булуы шарт. Чөнки бүгенге шартларда дошманның электромагнит коралдан файдалану ихтималы бар. Шулай була калса, барлык электрон объектлар, шул исәптән электрон һәм кварц сәгатьләр сафтан чыгачак дигән сүз. Өченчедән, бәрелү-сугылуга биреш­мәскә, су кермәскә тиеш.

МА "Татар-информ", 2009 елның 3 феврале
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International