"Татар моңы" конкурсының йомгаклау концерты 3, 4 апрельдә М.Җәлил исемендәге театрда булла

2009 елның 11 марты, чәршәмбе

10 мартта "Татар моңы" Халыкара телевизион конкурсының ике турына нәтиҗә чыгарылу һәм йомгаклау концертына әзерлек эшләре барышы мәсьәләләре буенча ТР Мәдәният министрлыгында уздырылган матбугат конференциясендә ТР Премьер-министры урынбасары - мәдәният министры Зилә Вәлиева, "Татар моңы" конкурсының йомгаклау концерты 3, 4 апрель көннәрендә М.Җәлил исемендәге Татар дәүләт опера һәм балет академия театрында була, дип игълан итте. Анда, лауреат һәм дипломантлардан тыш, татар эстрадасы йолдызлары һәм кунаклар - җырчы Алсу, танылган гитарачы Әнвәр Измайлов (Кырым), саксофончы Эдуард Әхмәтшин (АКШ) дә катнашачак.

"Татар моңы" Халыкара яшь башкаручылар телевизион конкурсының башкаручы директоры Вил Усманов сүзләренчә, Гала-концертка билет бәяләре 300 сумнан 2 мең сумга кадәр булачак. Ә "Татарстан - Яңа гасыр" телерадиокомпаниясе генераль директоры урынбасары Миләүшә Айтуганова ышандырганча, концертта катнашучылар сәхнә киемнәре буенча башка шундый чаралардан аерылып торачак.

МА "Татар-информ", 2009 елның 11 марты

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Минтимер Шәймиев ТР Муниципаль берәмлекләре советының XX съезды эшендә катнашты

Бүген Казанда Татарстан Республикасы Муниципаль берәмлекләре советының XX съезды узды. Анда Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституцион законнар һәм дәүләт төзелеше комитеты рәисе Андрей Клишас, ТР Дәүләт Советы Рәисе Фәрит Мөхәммәтшин, җирле үзидарәнең вәкиллекле органнары депутатлары ветераннары һәм «Батырлар. Герои Татарстана» мәгариф прогаммасында катнашучылар, республиканың барлык 956 муниципаль берәмлеге вәкилләре каташты. Видеоэлемтә аша съездда катнашучыларны Дәүләт Думасының Дәүләт төзелеше һәм законнар комитеты рәисе Павел Крашенинников сәламләде.

декабрь, 2025 ел

Минтимер Шәймиев: "Милләтләр арасында шундый аңлашу булганда күңел сөенә»

Бүген Казан Кремленең Вәкиллек корпусында Милләтара һәм конфессияара мөнәсәбәтләр буенча Татарстан Республикасы Рәисе каршындагы совет утырышы узды. Утырышта Татарстан Республикасы Рәисе Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Россия Федерациясе Дәүләт Думасының Милләтләр эшләре комитеты рәисенең беренче урынбасары Илдар Гыйльметдинов, Россия Фәннәр академиясенең Этнология һәм антропология институты фәнни җитәкчесе, академик Валерий Тишков, Россия Федерациясе Президентының Эчке сәясәт идарәсенең милли сәясәт департаменты башлыгы Татьяна Вагина (видеоконференцэлемтә режимында) катнашты.

декабрь, 2025 ел

Минтимер Шәймиев Ватан геройлары көненә багышланган тантанада катнашты

Бүген Г. Камал исемендәге Татар дәүләт академия театрында Россия Федерациясе Геройларын, Социалистик Хезмәт Геройларын һәм Россия Хезмәт Геройларын, Хезмәт Даны Орденының тулы кавалерларын хөрмәтләү тантанасы узды. Шулай ук геройларның туганнары һәм якыннары, үлгәннән соң бүләкләнгән геройларның гаилә әгъзалары чакырылган иде. Тантана Россиядә ел саен 9 декабрьдә билгеләп үтелә торган Ватан геройлары көненә багышланды. Анда Татарстан Республикасы Дәүләт Киңәшчесе, Россия Федерациясе Хезмәт Герое Минтимер Шәймиев катнашты.

ноябрь, 2025 ел

Минтимер Шәймиев Халыклар берәмлеге көненә багышланган тантанада катнашты

Бүген М. Җәлил исемендәге опера һәм балет театрында Халыклар бердәмлеге көненә багышланган тантаналы чара – «Безнең йор т- Татарстан» республика этномәдәни фестиваленең гала-концерты узды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе, РФ Хезмәт Герое Минтимер Шәймиев, Татарстан Премьер-министры Алексей Песошин һәм башкалар катнашты.

ЯҢАЛЫКЛАРГА ЯЗЫЛУ