Казанда Ислам дисциплинасы һәм гарәп теле буенча II Бөтенроссия олимпиадасы узачак

2009 елның 3 феврале, сишәмбе
7 - 8 апрель көннәрендә Россия Ислам университетында (РИУ) Ислам дисциплинасы һәм гарәп теле буенча II Бөтенроссия олимпиадасы узачак. Чара РИУ белән Ислам мәдәниятенә, фәненә һәм мәгарифенә булышлык итү фонды белән берлектә оештырыла, дип белдерә Ислам.ру сайты.

Ђйтергә кирәк, олимпиаданың максаты — Ислам фәннәрен һәм гарәп телен өйрәнүче талантлы яшьләрне — студентларны ачыклау һәм аларга ярдәм итү. Бу юлы анда Татарстан, Дагыстан, Башкортстан, Чечня, Кабардо-Балкария, Мордовия, Мәскәү, Түбән Кама кебек Россиянең югары мөселман уку йортлары студентлары катнаша.

Бәйге барлык номинацияләр дә тест рәвешендә язмача булачак. Моннан тыш, гарәп теле буенча конкурста катнашучылар гарәп телен никадәр белүләрен телдән аңлатырга тиеш булса, Ислам дисциплинасы буенча көч сынашучыларга Коръәнне укый белү шарт булып тора.

Шунысын да билгеләп үтәргә кирәк: беренче олимпиада 2008 елда 27-28 март көннәрендә узды һәм анда Чечня, Дагыстан, Мәскәү, Башкортстан, Түбән Новгородтан 28 студент катнашкан иде. Конкурс нәтиҗәләре буенча, призлы урыннарны анда Казан һәм Махачкала шәкертләре яулады.

МА "Татар-информ", 2009 елның 3 феврале
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Секретариат
Элемтә
Матбугат хезмәте
Биография
Телефон: +7 (843) 5678810
Факс: +7 (843) 2927088
E-Mail: ap.rt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International